Zefaniya 1:1-18
1 Yehova wangulongoro ndi Zefaniya* mwana waku Kushayi, mwana waku Gedaliya, mwana waku Amariya, mwana waku Hezekiya mu mazuŵa ngaku Yosiya+ mwana waku Amoni,+ fumu ya ku Yuda.
2 Yehova wakamba kuti: “Ndazamupeya chinthu chechosi pacharu chapasi.”+
3 “Ndazamupeya munthu kweniso nyama.
Ndazamupeya viyuni vamude ndipuso somba za munyanja,+Kweniso vakuguŵiska*+ limoza ndi ŵanthu aheni;Ndipu ndazamutuzgapu ŵanthu pacharu chapasi,” Yehova ndiyu wakamba.
4 “Yuda ndazakumutambasuliya janja languNdipuso ŵanthu wo aja mu Yerusalemu ndazakuŵatambasuliya janja langu,Ndipu pamalu ngenanga ndazamutuzgapu chechosi chakukwaskana ndi kusopa Bala,+Ndazamutuzgapu zina la asembi a chiuta wachilendu limoza ndi asembi,+
5 Ndipuso ŵanthu wo asindamiya mizinda yakuchanya,+Kweniso ŵanthu wo asindama ndi kulayizga kuti aŵengi akugomezgeka kwaku Yehova+Penipo alayizga kuti aŵengi akugomezgeka kwaku Malikamu;+
6 Ndipuso ŵanthu wo aleka kulondo Yehova+Kweniso wo aleka kupenja Yehova pamwenga kufumba kwaku iyu.”+
7 Jani cheti pa masu paku Yehova, Ambuya Fumu Yikulu, pakuti zuŵa laku Yehova le pafupi.+
Yehova wanozga sembi; iyu watowesa ŵanthu wo wadana.
8 “Pa zuŵa la sembi yaku Yehova, ndazamukumba mulandu alongozgi,Ŵana a fumu+ ndipuso wosi wo avwala vakuvwala vachilendu.
9 Pa zuŵa lo, ndazamukumba mulandu munthu weyosi yo wakwera pagomi,*Ndipuso ŵanthu wo azaza nyumba ya ambuyawu ndi nkhaza kweniso chinyengu.
10 Yehova wakamba kuti: “Pa zuŵa lo,Kwazamuvwika chiwawa cha kuliya kutuliya ku Geti la Somba,+Kwazamuvwika kutenje kutuliya ku Chigaŵa Chachiŵi cha tawuni,+Kweniso kumitunthu kwazamuvwika chiwawa chikulu chakubwangandulika.
11 Yimwi ŵanthu a ku Makiteshi,* tenjeni,Pakuti amalonda wosi amala;*Ndipuso ŵanthu wosi wo apima siliva abayika.
12 Pa nyengu yo, ndazamupenja mwakuphwere ndi nyali mu Yerusalemu,Ndipu ndazamukumba mulandu ŵanthu wo aja ŵaka phe, wo mumtima mwawu akamba kuti,‘Yehova wazamuchita chinthu chamampha cha, ndipuso wazamuchita chinthu chiheni cha.’+
13 Chuma chawu chazamuphangika ndipuso nyumba zawu zazamubwangandulika.+
Yiwu azamuzenga nyumba, kweni azamujamu cha;Ndipu azamulima minda ya mphereska, kweni azamukumwa cha vinyu wakutuliya muminda yo.+
14 Zuŵa likulu laku Yehova le pafupi!+
Le pafupi kweniso litchimbiya!+
Chiwawa cha zuŵa laku Yehova ntchakuŵaŵa.+
Pa zuŵa lo, chinkhara chazamuliya.+
15 Zuŵa lo ndi zuŵa la ukali,+Ndi zuŵa la suzgu kweniso lakupweteka,+Ndi zuŵa la chimphunga kweniso lakusakaza,Ndi zuŵa la mdima kweniso la mdima ukulu,+Ndi zuŵa la mitambu kweniso la mdima ukulu ukongwa,+
16 Ndi zuŵa la kuliya kwa mbata*+ kweniso la chiwawa cha nkhondu,Zuŵa la kuyukiya matawuni nga mipanda yakukho kweniso tinyumba takuthopoka ukongwa ta mumakona.+
17 Ndazamusuzga ŵanthu,Ndipu azamukwenda nge ŵanthu achibulumutiya,+Chifukwa yiwu abudiya Yehova.+
Ndopa zawu zazamudirika pasi nge fuvu,Ndipu mnofu wawu wazamukhutulika* pasi nge mavi nga viŵetu.+
18 Siliva wawu pamwenga golidi wawu vazakuŵataska cha pa zuŵa la ukali waku Yehova;+Pakuti charu chosi chazamupiriya ndi motu wa ukali waki,*+Chifukwa wazamumala ŵanthu wosi wo aja pacharu chapasi, ndipu azamumaliya limu.”+
Mazu Ngam'mphata
^ Kung’anamuwa kuti, “Yehova Wabisa (Wasunga).”
^ Viwoneka kuti ndi vinthu pamwenga vo ŵanthu achitanga vakukwaskana ndi kusopa angoza.
^ Panyaki ang’anamuwa gomi la mpandu wachifumu.
^ Viwoneka kuti akamba chigaŵa cha Yerusalemu kufupi ndi Geti la Somba.
^ Mazu ngaki chayingu, “achetamisika.”
^ Anyaki akamba kuti, “lipenga.”
^ Mazu ngaki chayingu, “matumbu ngawu ngazamukhutulika.”
^ Mazu ngaki chayingu, “phamphu laki.”
