Kwambiya pa February 27 tidanengi ŵanthu anandi kuti azisanilikepu pa mwambu wakukumbukiya nyifwa yaku Khristu. Pa nyengu iyi tikhumbika so kuziwona ŵanthu wo akhumba kuziŵa vinandi kuti tiziŵawovyi.

VO MUNGAKAMBA

“Tigaŵiya timapepala takudaniya ŵanthu ku mwambu wakukhumbika ukongwa. Pa March 23, ŵanthu mamiliyoni nganandi awunganengi kuti akumbukiyi nyifwa yaku Yesu Khristu kweniso kuti avwisiyi nkhani ya m’Bayibolu yo yazamukonkhosa mo tiyanduliya ndi nyifwa yaku Yesu. Kapepala yaka kalongo nyengu ndi malu ngo mwambu uwu uchitikiyengi mchigaŵa chidu. Titikupemphani kuti muzi asani mungafiska.”

[Sankhanipu.] Asani apenja kuziŵa vinandi . . .

• GAŴIYANI CHIGONGWI CHA ALINDA

  Kambani mazu ngo ngangakuwovyani kuti muziweriyeku.

• WONESANI VIDIYO YA CHIKUMBUSU

  Kambani mazu ngo ngangakuwovyani kuti muziweriyeku.

[Sankhanipu.] Asani mwaweriyaku . . .

• WONESANI VIDIYO YAKUTI NCHIFUKWA WULI TIKHUMBIKA KUSAMBIRA BAYIBOLO?

  Pavuli paki, mupaseni kabuku ko tisambiriya ndi ŵanthu Bayibolu.

• MUGAŴIYENI BUKU LA KUMBI BAYIBOLO LISAMBIZANJI WENIUKONGWA?

  Mukonkhoskiyeni fundu zakukwasana ndi Chikumbusu papeji 206 mpaka 208. Pavuli paki, mugaŵiyeni buku.

• GAŴIYANI KABUKU KA VWIYANI CHIUTA

  Kambisanani vo nyifwa yaku Yesu ying’anamuwa mwa kugwirisiya ntchitu nkhani ya papeji 18 mpaka 19. Pavuli paki, mugaŵiyeni kabuku.