Yehova ndiyu wachitiska kuti mbewu ya uneneska yikuwi mu mtima mwa munthu. (1Ak 3:6-9) Mwaviyo, kuti vinthu vitiyendiyengi umampha mu upharazgi tikhumbika kuthemba mzimu waku Yehova kuti utiwovyi kweniso uwovyi ŵanthu wo tisambira nawu Bayibolu.

Mupemphengi Yehova kuti waŵawovyi kukunthiyapu masuzgu ngawu. (Afi 1:9, 10) Mukambengi vinthu chayivu vo mukhumba. Mupemphengi mzimu wakupaturika kuti ulongozgengi maŵanaŵanu ndi vakuchita vinu. (Lk 11:13) Musambizengi ŵanthu wo musambira nawu Bayibolu mo angapemphere ndipu muŵachiskengi kuti nawu achitengi venivi. Mupempherengi ndi ŵanthu wo musambira nawu Bayibolu ndipu muzumbuwengi zina lawu.

WONERIYANI VIDIYO YAKUTI TINGAJA NDI LIKONDWA ASANI TISAMBIZA ŴANTHU KUTI AJE AKUSAMBIRA—MUGWIRISKIYENGI NTCHITU VINTHU VO YEHOVA WAPEREKA—PEMPHERU, NDIPU MUKANI MAFUMBU YANGA:

• Kumbi Neeta wangukumana ndi suzgu wuli po wasambiranga ndi Jade?

• Kumbi lemba la 1 Akorinto 3:6 lingumuwovya wuli Neeta?

• Kumbi suzgu yo Neeta wangukumana nayu yingumala wuli?