SAMBIRU 34
Kumbi Tingalongo Wuli Kuti Titimuyanja Yehova?
Kumbi sonu mutimuyanja ukongwa Yehova kuluska po mwayambiyanga waka kusambira Bayibolu? Kumbi mukhumbisiska kulutirizga kuja nayu pa ubwezi? Asani ndi viyo, kumbukani kuti asani Yehova wawona kuti mutimuyanja ukongwa, nayu wakuyanjeningi ukongwa kweniso wakuphweriyeningi. Kweni kumbi mungalongo wuli kuti mutimuyanja Yehova?
1. Kumbi tingalongo wuli kuti titimuyanja Yehova?
Tingalongo kuti titimuyanja Yehova asani titimuvwiya. (Ŵerengani 1 Yohane 5:3.) Iyu wachichizga munthu weyosi cha kuti wamuvwiyengi. Mumalu mwaki, wapereka mwaŵi kwaku weyosi wakusankha kumuvwiya pamwenga cha. Ntchifukwa wuli wachita venivi? Yehova wakhumba kuti ‘timuvwiyengi ndi mtima wosi.’ (Aroma 6:17) Ivi ving’anamuwa kuti iyu wakhumba kuti mumuvwiyengi chifukwa chakuchichizgika cha, kweni chifukwa chakuti mutimuyanja. Chigaŵa 3 ndipuso chigaŵa 4 cha buku ili, vikuwovyeningi kuziŵa mo mungalongore kuti mutanja Yehova, mwakuchita vo vitimukondwesa ndipuso kukana vo vileka kumukondwesa.
2. Ntchifukwa wuli nyengu zinyaki vija vakusuzga kulongo kuti titimuyanja Yehova?
“Masuzgu nga munthu murunji ngalipu nganandi.” (Salimo 34:19) Tosi tisuzgika kuchita cho ntchamampha chifukwa cha ubudi wo tikutole kwa apapi ŵidu akwamba. Kweniso nyengu zinyaki tisoŵa ndalama zakuguliya vinthu vakukhumbika, tikumana ndi vinthu vambula urunji ndipuso masuzgu ngakupambanapambana. Asani takumana ndi masuzgu, tingasuzgika kuchita vo Yehova wakhumba. Veviyo chifukwa nthowa yiheni yakumalisiya masuzgu ngo, ndiyu kanandi yiwoneka kuti njipusu kweniso yakovya. Kweni asani pa nyengu ya masuzgu mwayesesa mbwenu kuchita vo Yehova wakhumba, mulongo kuti mutimuyanja ukongwa kuphara chechosi. Kweniso mulongo kuti mwe akugomezgeka kwaku iyu. Chifukwa cha venivi, Yehova nayu wayesesengi kukuchitiyani vinthu mwakugomezgeka. Iyu nayu wakujowoningi cha.—Ŵerengani Salimo 4:3.
SAMBIRANI VINANDI
Wonani chifukwa cho Yehova wakondwe asani mutimuvwiya, kweniso wonani vo vingakuwovyani kuti mulutirizgi kuja akugomezgeka kwaku iyu.
3. Nkhani yo yitikukwaskani
Asani tiŵerenga buku la Yobu mu Bayibolu, tiwona kuti Satana wangumba mulandu Yobu kweniso ŵanthu wosi wo asankha kuteŵete Yehova. Ŵerengani Yobu 1:1, 6–2:10, pavuli paki kambiskanani mafumbu yanga:
-
Kumbi Satana wangukamba kuti ntchifukwa wuli Yobu wavwiyanga Yehova?—Wonani Yobu 1:9-11.
-
Kumbi Satana wangukambanji vakukwaskana ndi taŵanthu tosi kusazgapu yimwi?—Wonani Yobu 2:4.
Ŵerengani Yobu 27:5b, pavuli paki kambiskanani fumbu ili:
-
Kumbi Yobu wangulongo wuli kuti wamuyanjanga nadi Yehova?
Yobu wangulongo kuti wamuyanjanga Yehova chifukwa wangulutirizga kuja wakugomezgeka
Tilongo kuti titimuyanja Yehova asani tilutirizga kuja akugomezgeka kwaku iyu
4. Kondwesani mtima waku Yehova
Ŵerengani Nthanthi 27:11, pavuli paki kambiskanani mafumbu yanga:
-
Kumbi Yehova watuvwa wuli asani muchita vinthu mwazeru ndipuso mutimuvwiya? Ntchifukwa wuli watuvwa viyo?
5. Mungaja wakugomezgeka kwaku Yehova
Chifukwa chakuti titimuyanja Yehova, tikambiyaku ŵanthu anyaki vakukwaskana ndi iyu. Pakuti tikhumba kuja akugomezgeka kwaku iyu, titesesa kukambiyaku anyidu vaku iyu chinanga kuti nyengu zinyaki vija vakusuzga. Woneriyani VIDIYO, pavuli paki kambiskanani mafumbu yanga:
-
Kumbi nyengu zinyaki muwona kuti nkhwakusuzga kukambiyaku ŵanthu vakukwaskana ndi Yehova?
-
Nge po tawone mu vidiyo, ntchinthu wuli chinguwovya Grayson kuti waleki kuchita mantha?
Vituŵa vipusu kuja akugomezgeka kwaku Yehova asani titanja vo iyu watanja ndipuso titinkha vo iyu watinkha. Ŵerengani Salimo 97:10, pavuli paki kambiskanani mafumbu yanga:
-
Mwakukoliyana ndi vo mwasambirapu nyengu yosi iyi, kumbi ndi vinthu vinyaki nivi vo Yehova watanja? Nanga ndi vinthu vinyaki nivi vo iyu watinkha?
-
Kumbi mungachita wuli kuti musambiri kwanja vamampha ndi kutinkha vinthu viheni?
6. Kuvwiya Yehova nkhwakovya
Kuvwiya Yehova nkhwamampha nyengu zosi. Ŵerengani Yesaya 48:17, 18, pavuli paki kambiskanani mafumbu yanga:
-
Kumbi muwona kuti mphakuvwika kugomezga kuti Yehova ndiyu waziŵa vo tingachita kuti vinthu vitiyendiyengi umampha? Ntchifukwa wuli muwona viyo?
-
Kumbi kusambira Bayibolu kweniso vakukwaskana ndi Yehova yo ndi Chiuta wauneneska, kwakuwovyani wuli kufika sonu panu?
ŴANTHU ANYAKI AKAMBA KUTI: “Vo ndichita vitimukwaska viŵi cha Chiuta.”
-
Kumbi ndi lemba nili lo mungagwiriskiya ntchitu kuti mulongo kuti vo tichita vingamukondwesa pamwenga vingamukwiyisa Yehova?
KUMBI MWASAMBIRANJI?
Mungalongo kuti mutimuyanja Yehova asani mutimuvwiya kweniso asani mulutirizga kuja akugomezgeka kwaku iyu chinanga mukumani ndi masuzgu.
Kuweriyamu
-
Kumbi mwasambiranji pa nkhani yaku Yobu?
-
Kumbi muchitengenji kuti mulongo kuti mutimuyanja Yehova?
-
Ntchifukwa wuli mulutirizgengi kuja akugomezgeka kwaku Yehova?
FUFUZANI
Wonani vo mungachita kuti muje wakugomezgeka kwaku Yehova kweniso mumpingu.
“Munthu Wakugomezgeka Mutimuchitiya Vinthu Mwakugomezgeka” (16:49)
Wonani so vinyaki vo Satana wangukamba pakumba mulandu ŵanthu.
“Jobu Walutirizga Kuja Wakugomezgeka” (Kumbi Bayibolo le Ndi Uthenga Wuli? chigaŵa 6)
Wonani mo ŵana nawu angalongore kuti atanja Yehova.
Kumbi wachinyamata yo wachichizgika ndi anyaki, wangachita wuli kuti walutirizgi kuja wakugomezgeka kwaku Chiuta?
Kanani Asani Anyinu Atikuchichizani Kuchita Vinthu Viheni! (3:59)
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Sambiru la Bayibolu lo Akaboni aku Yehova Achitiska Ntchinthu Wuli?
Kuziya mu pulogilamu yawezi ya kusambira Bayibolu ndi Akaboni aku Yehova, mungagwiriskiya ntchitu Bayibolu lelosi. Mungadaniyaku banja linu losi pamwenga mabwezi nginu pa sambiru.
