Kambani mazu ngo nge ndi fundu yikulu. Asani mwaŵerenga lemba, zumbuwani mazu ngo ngakoliyana ukongwa ndi fundu yo mukhumba kukonkhoska. Mungachita ivi mwakuwereza mazu ngo nge ndi fundu yikulu pamwenga mungafumba fumbu lo lingawovya akuvwisiya kuti aziŵi mazu ngo nge ndi fundu yikulu.

Longoni fundu yo mukhumba kuti akuvwisiya ayikumbuki. Asani mwakamba chifukwa cho mwaŵerenge lemba, konkhoskani mo mazu ngo nge ndi fundu yikulu pa lemba lo ngakoliyana ndi chifukwa cho mwaliŵerenge.

Kukonkhoska vinandi cha. Lekani kukonkhoska fundu zo zileka kukoliyana ndi fundu yo mukhumba kukamba. Sankhanipu waka fundu zo zingawovya kuti vo mukhumba kukamba vivwiki umampha mwakukoliyana ndi vo akuvwisiya aziŵa kali pa nkhani yo.