Mazu Ngakwamba nga Chigaŵa 4
Chigaŵa ichi chikonkhosa zaku Yosefe, Yobu, Mozesi ndi Ayisraele. Satana wanguŵasuzga ukongwa wosi. Anyaki angukumana ndi vinthu vambula urunji, angumangika, ŵenga akapolu ndipu anyaki angubayika. Kweni Yehova wanguŵavikiliya mu nthowa zakupambanapambana. Asani ndimwi mupapi, wovyani ŵana ŵinu kuti aziŵi mo ateŵeti aku Yehova ŵenaŵa angulutiriziya kuja ndi chivwanu chinanga kuti asuzgikanga.
Yehova wangugwirisiya ntchitu miliri 10 kuti walongo kuti ngwanthazi kuluska achiuta wosi a ku Egipiti. Konkhosani mo Yehova wanguvikiriya ŵanthu ŵaki a munyengu yakali ndipuso mo watitivikiriya mazuŵa nganu.
PA CHIGAŴA ICHI
SAMBIRU 14
Kapolu Yo Wanguvwiya Chiuta
Chinanga kuti Yosefe wachitanga vamampha, kweni wangukumana ndi masuzgu. Chifukwa wuli?
SAMBIRU 15
Yehova Wangumuluwa Cha Yosefe
Chinanga kuti Yosefe wenga kutali ndi abapi ndipuso abali ŵaki, kweni Chiuta wangulongo kuti wenga nayu.
SAMBIRU 17
Mozesi Wangusankha Kusopa Yehova
Pa nyengu yo Mozesi wenga bonda, wangutaskika chifukwa cha zeru za anyina.
SAMBIRU 19
Milili Yitatu Yakwamba
Farawo wanguchitisa kuti ŵanthu ŵaki asuzgiki chifukwa cha kujikuzga kwaki. Iyu wakananga kuchita chinthu chipusu ukongwa.
SAMBIRU 21
Mulili wa Nambala 10
Mulili uwu unguŵamala nthazi ukongwa Aegipiti mwakuti chinanga ndi Farawo yo wenga wakujikuzga wanguthera.
SAMBIRU 22
Chakuziziswa cho Chinguchitika pa Nyanja Yiyera
Farawo wangupona milili 10, kweni kumbi wangupona chakuziziswa ichi cho Chiuta wanguchita?
