Kumbi Bayibolu Likambanji?
Kumbi tija mu “mazuŵa ngakumaliya”?
Kumbi mungamuka kuti
Hinya
Awa
Panyaki
Vo Bayibolu likamba
“Mazuŵa ngakumaliya ngazamuja nyengu yapade kweniso yakusuzga.” (2 Timote 3:1) Vo Bayibolu likukambiya limu kweniso vo vichitika mazuŵa nganu, vilongo kuti te mu “mazuŵa ngakumaliya.”
Fundu zinyaki zo tisambira m’Bayibolu
Mu mazuŵa ngakumaliya, kwazamuja nkhondu, nja, vidilirisi ndipuso matenda ngakupambanapambana.—Mateyu 24:3, 7; Luka 21:11.
Mu mazuŵa ngakumaliya, ŵanthu azamuchitanga vinthu viheni ukongwa vo vileka kukoliyana ndi mijalidu yaku Chiuta.—2 Timote 3:2-5.
Ntchinthu wuli cho chichitikengi kunthazi?
Ŵanthu anyaki agomeza kuti . . . pa umaliru, charu chazamubwangandulika limoza ndi ŵanthu. Kweni anyaki agomeza kuti vinthu viyambengi kwenda umampha. Imwi muwona wuli?
Vo Bayibolu likamba
“Ŵanthu arunji azamuhara charu, ndipu azamuja mwenimo kwamuyaya.”—Sumu 37:29.
Fundu zinyaki zo tisambira m’Bayibolu
Mazuŵa ngakumaliya ngazamumala asani vinthu vosi viheni vazituzgikapu.—1 Yohane 2:17.
Charu chazamusintha kuja paradayisu.—Yesaya 35:1, 6.
Mungayanja Kuŵerenga so Nkhani Izi
MAFUMBU NGO BAYIBOLU LIMUKA
Kumbi ndi Vinthu Wuli vo Vilongo Kuti Tija mu “Mazuŵa Ngakumaliya” Pamwenga ‘Nyengu za Umaliru’?
Bayibolu likukambiya limu kuti kwazamuchitika vinthu vinandi mu nyengu yimoza vo vazamuja “chisimikizu” cha mazuŵa ngakumaliya.
ESSENTIAL BIBLE TEACHINGS
Ntchifukwa Wuli Chiuta Wakulenga Charu Chapasi?
Charu chapasi che ndi vinthu vinandi vakutowa ukongwa. Chiuta wakuchiŵika pa mtunda wakwenere kutuliya po pe lumwi, ndipu wakuchipanga kuti chizunguliyengi mwakuyegama kweniso kuti chizunguliyengi pa sipidi yamampha. Ntchifukwa wuli Chiuta wanguŵikiyapu mtima kulenga charu chakutowa viyo?
