Mungasankha Umoyu wo Mukhumba
Vyaka pafufupi 3,500 vo vajumpha, Yehova Chiuta wangukambiya ŵanthu wo amusopanga vinthu vo akhumbikanga kuchita kuti azije ndi umoyu wamampha kunthazi. Iyu wanguti: “Ndaŵika umoyu ndi nyifwa pa masu paku, thumbiku ndi thembu; ndipu sankha umoyu kuti uje ndi umoyu, yiwi ndi ŵana ŵaku.”—Dotoronome 30:19.
Kuti azije ndi umoyu wamampha kunthazi, ŵanthu ŵenaŵa akhumbikanga kusankha umampha. Nasi mazuŵa nganu tikhumbika kusankha umampha. Bayibolu likonkhoska mo tingasankhiya venivi. Likamba kuti: “Mwa kwanja Yehova Chiuta waku, kuvwiya mazu ngaki.”—Dotoronome 30:20.
KUMBI TINGAMUYANJA WULI YEHOVA KWENISO KUVWIYA MAZU NGAKI?
MUSAMBIRENGI BAYIBOLU: Kuti muyanjengi Yehova, chakwamba mukhumbika kusambira vakukwaskana ndi iyu mu Bayibolu. Muchiŵerenga, musaniyengi kuti iyu ndi Chiuta wachanju yo watikukhumbiyani vamampha. Iyu watikupemphani kuti mupempherengi kwaku iyu “chifukwa iyu watikuŵanaŵaniyani.” (1 Peturo 5:7) Bayibolu lilayizga kuti asani muyesesengi kuti muje nayu pa ubwezi, “nayu wanderengi kufupi ndi yimwi.”—Yakobe 4:8.
MUGWIRISKIYENGI NTCHITU VO MUSAMBIRA: Kuvwiya Chiuta kung’anamuwa kugwiriskiya ntchitu ulongozgi waki wazeru wo usanirika mu Bayibolu. Asani muchitengi viyo ‘vinthu vikuyendiyeningi umampha ndipuso muchitengi vinthu mwazeru.’—Yoswa 1:8.
Sankhani sonu panu kuti Bayibolu likuwovyeni kuzija ndi umoyu wamampha kunthazi!
Mungayanja Kuŵerenga so Nkhani Izi
CHIGONGWI CHA MLINDA
Vo Mungasankha Vingakwaska Umoyu Winu!
Ŵanthu anyaki agomezga kuti vinthu vosi vo vichitika pa umoyu wawu, vikulembeke limu. Kweni kumbi venivi vauneneska?
MAFUMBU NGO BAYIBOLU LIMUKA
Kumbi ndi Vinthu Wuli vo Vingakuwovyani Kuti Mulivwisengi Bayibolu?
Kaya mukukuliya pani, mungawuvwisa umampha uthenga waku Chiuta wo we mu Malemba Ngakupaturika.
