Ŵerengani Yeremiya 38:​1-13 kuti musambiri vinandi pa nkhani yakulongo chiganga kutuwa kwa mchimi Yeremiya kweniso Ebedi-meleki yo wenga wakutheneka.

Vwisani nkhani yosi. Kumbi Yeremiya wangulongo wuli chiganga pa nyengu yo wapharazganga uthenga wakutuliya kwaku Yehova? (Yere. 27:​12-14; 28:​15-17; 37:​6-10) Kumbi ŵanthu anguchita wuli ŵati avwa uthenga wo iyu wapharazganga?—Yere. 37:​15, 16.

Fufuzani mwakukwana. Kumbi ŵanthu akhumbanga kuti Yeremiya wachitenji? (jr 26-27 ¶20-22) Fufuzani kuti visimi va mu nyengu yakali vawonekanga wuli kweniso avigwiriskiyanga ntchitu wuli. (it-1-E 471) Kumbi Yeremiya watenere kuti wavwanga wuli pa nyengu yo wenga muchisimi cha vimawulambwi? Kumbi Ebedi-meleki watenere kuti wawopanganji?—w12-CN 5/1 31 ¶2-3.

Ŵanaŵaniyani vo musambirapu. Jifumbeni kuti:

• ‘Kumbi nkhani yeniyi yitindisambizanji pa mo Yehova wavilikiriya ateŵeti ŵaki akugomezgeka?’ (Salimo 97:10; Yere. 39:​15-18)

• ‘Kumbi ndikhumbika kulongo chiganga pa vinthu nivi?’

• ‘Kumbi ntchinthu wuli cho chingandiwovya kuti ndijengi ndi chiganga kuchita cho ntchakwenere asani ŵanthu anyaki akhumba kuti ndichiti vinthu viheni?’ (w11-CN 3/1 30) a