4 Kumbi Chiuta Wakutilenga Kuti Tisuzgikengi?
Ntchifukwa Wuli Tikhumbika Kuziŵa Uneneska
Kuziŵa kwamuka kwa fumbu ili kungatiwovya kuti tiwonengi umoyu mwakwenere.
Ŵanaŵaniyani Ivi
Kumbi pangaŵa pakuvwika kukamba kuti Chiuta yo wakulenga vinthu vosi vakutowa vo ve mucharu ndiyu so wachitiska kuti tisuzgikengi?
Ŵanthu wo aleka kusopa Chiuta awona kuti watitiŵanaŵaniya cha kweniso akayikiya kuti waliku. Yiwu agomezga kuti taŵanthu tisuzgika chifukwa chakuti (1) Chiuta walivi nthazi zakutuzgiyapu masuzgu, (2) Chiuta waŵanaŵanaku cha vakuti wamalisi masuzgu, pamwenga (3) Chiuta kulivi.
Kumbi ndi venivi pe vo ŵanthu awona kuti vichitiska kuti tisuzgikengi?
KUTI MUZIŴI VINANDI
Woneriyani vidiyo yakuti Kumbi Tingasimikiza Wuli Kuti vo Bayibolu Likamba Vaunenesa? pa jw.org.
Vo Bayibolu Likamba
Chiuta wakutilenga kuti tisuzgikengi cha.
Iyu wakhumba kuti tikondwengi.
“Palivi chinthu chamampha kwaku yiwu kuluska kuti akondwi ndi kuchita vinthu vamampha pa umoyu wawu, kweniso kuti weyosi waryi, wamwi ndi kukondwa chifukwa cha ntchitu zosi zo wagwira mwaphamphu. Yeniyi ndi mphasu yaku Chiuta.”—WAKUTAULA 3:12, 13.
Chiuta wangupaska ŵanthu akwamba chechosi cho akhumbikanga pa umoyu wawu kuti aleki kusuzgika
Iyu wanguŵalenga kuti asuzgikengi cha ndi ŵana ŵawu.
“Chiuta . . . wanguŵakambiya kuti: ‘Mubalani, muyandani, muzazi charu chapasi ndipu muchithereski.’”—CHIYAMBO 1:28.
Ŵanthu ŵaŵi akwamba angusankha kuleka kuvwiya Chiuta.
Venivi vinguchitiska kuti ayambi kukumana ndi masuzgu nganandi limoza ndi ŵana ŵawu wosi.
“Ndichu chifukwa chaki nge mo ubudi ukuselere mucharu kuziya mwa munthu yumoza, ndi nyifwa chifukwa cha ubudi, nyifwa nayu yikusapaliya ku ŵanthu wosi chifukwa wosi akubuda.”—AROMA 5:12. *
Chiuta wakutilenga kuti tijilongozgengi tija cha.
Nge mo viliri vakusuzga kuti taŵanthu tije mumaji, ndimu so titondeke kujilamuliya tija
“Munthu yo watenda walivi nthazi zakunyoloske maphazi ngaki.”—YEREMIYA 10:23.
Chiuta wakhumba cha kuti tisuzgikengi.
Iyu wakhumba kuti tichitengi vosi vo tingafiska kuti tikhwechengi masuzgu.
“Asani ungavwiya marangu ngangu! Mbwenu chimangu chaku chazamuja nge msinji.”—YESAYA 48:18.
^ ndimi 17 Mu Bayibolu, mazu ngakuti “ubudi” ngang’anamuwa vinthu viheni vo ŵanthu achita pe cha. Kweni ngang’anamuwa so ubudi wo munthu weyosi wakuhara.
Mungayanja Kuŵerenga so Nkhani Izi
CHIGONGWI CHA MLINDA
Kumbi Chiuta Watuvwa Wuli Asani Musuzgika?
Mavesi nga m’Bayibolu yanga ngakuwovyeningi kuziŵa mo Chiuta wavwiya asani wawona ŵanthu asuzgika.
