SEPTEMBER 24, 2021
RUSSIA

Kuŵerenga Bayibolu Kweniso Kuchita Maunganu Kutimuchiska Mubali Maksim Beltikov

JULANI

Nyengu yo Khoti Liyeruzgiyengi Mulandu

Pambula kuswera yapa, Khoti la Pavlovskiy lo le muchigaŵa cha Krasnodar liperekengi cheruzgu chaki pa mulandu wa Mubali Maksim Beltikov. a Loya waboma wechendakambi cheruzgu cho wakhumba kuti Mubali Beltikov wapaskiki
Pa 29 June 2020

Angumuyeruzga kuti wangatuwangamu cha muchigaŵa chaki
Pa 23 June 2020

Mulandu wa mubali Beltikov ungwamba. Angumumba mulandu wakuti: “wachitanga vinthu vakukwaskana ndi chisopa” wo usazgapu “kuchitiska ndipuso kuvwisiya nkhani za chisopa”
Pa 29 April 2020

Arara a boma angufufuza munyumba yaku Maksim. Pavuli paki anguchimufumba mafumbu

Vakukwaskana ndi Munthu Uyu

Maksim Beltikov

Chaka cho Wakuwiya: 1980 (Baltiysk, muchigaŵa cha Kaliningrad)

Mo Wakukuliya: Weche mwana wayanjanga kuvwisiya sumu za midawuku. Wagwira ntchitu yakuzenga. Msiŵani waki ndiyu wangwamba kumusambiza Bayibolu. Wangukondwa wati waziŵa zina laku Chiuta lakuti Yehova. Wanguzizwa wati waziŵa mauchimi nga mu Bayibolu ngo ngakufiskika ndipuso ulongozgi waki wazeru. Wakubatizika kuja Kaboni waku Yehova mu 2001. Wakutorana ndi muwolu waki Mariya mu 2005. Ŵe ndi ŵana atatu

Vo Maksim Wangumuka Wati Wafumbika

Kumbi Yehova wakuwovyani wuli yimwi ndi banja linu pa nyengu yo mwatombozgezgekanga?

Yehova watipaska chechosi chakukhumbikiya kuti tije ndi umoyu ndipuso tije paubwezi ndi iyu. Muwolu wangu ndipuso ŵana wangu atetesesa kuvwisa mo ndivwiya kweniso kundiwovya kuti ndileki kuchita chitima ukongwa. Mubali wangundichiska ndi lemba la Salimo 23. Mubali yo wangukamba kuti: “Kumujowo cha Yehova ndi gulu laki. Zomereza kuti Yehova wakuphwere.”

Kumbi kuŵerenga Bayibolu kweniso kuchita maunganu nga mpingu kwakuwovyani wuli kuti mukondwengi?

Kuŵerenga Bayibolu ndipuso kuchita maunganu ngosi nyengu zosi, kwandiwovya kuti ndikondwengi kweniso kuziŵa kuti Yehova ndiyu watindiwovya. Ini ndi muwolu wangu tingufiska kuluta ku unganu wa chigaŵa ku Seoul, South Korea, mu 2018. Pa Sabata, wakukamba nkhani wangukambiskana ndi ŵanthu a chineneru cha Chikoreya ndipu wangupempha weyosi yo angumumangapu chifukwa cha chivwanu chaki kuti wami wima. Abali masauzandi angusoka. Ndikumbuka kuti ndingujikambiya kuti: ‘Asani yiwu angufiska kuchita viyo ndikuti nani ndingafiska.’

Kumbi chiyesu chenichi chakuwovyani wuli kuja paubwezi wakukho ndi Yehova?

Ubwezi wangu ndi Yehova wakho ukongwa kweniso wasintha. Nditimukambiya vinthu chayivu vo vitindichitikiya. Chakukondwesa ntchakuti ndijaliya waka kupempha vinthu cha, kweni ndiwonga so vinthu chayivu vo Yehova watindichitiya. Ndiŵerenga Bayibolu munthowa yakupambanaku, chifukwa ndiwonamu vakuyeruzgiyapu vo vikoliyana ndi suzgu yangu.

Tipempha kuti abali ndi azichi ŵdu ku Russia alutirizgi kuja akukho ndipuso kuŵerenga Bayibolu kuŵachiski kweniso achiskiki ndi abali ndi azichi wo atiŵaŵanaŵaniya mwachanju. Tiziŵa kuti “Chiuta wachanju ndipuso wachimangu” walutirizgengi kuŵa ndi abali ndi azichi ŵidu akwanjiwa.—2 Akorinto 13:11.

a Ndi nyengu zosi cha po akambiya limu zuŵa lo khoti liyeruzgiyengi mulandu.

NKHANI