1. Pambula kuswera yapa, khoti la mutawuni ya Partizansk muchigaŵa cha Primorye liyeruzgengi mulandu wakukwaskana ndi Mzichi Irina. Loya waboma wechendakambi cheruzgu cho wakhumba kuti mzichi uyu wapaskiki

2. Pa 6 August 2021

   Mulandu waku Irina unguwere mu khoti la mutawuni ya Partizansk

3. Pa 30 November 2020

   Chifukwa chakuti mulandu waku Irina wengavi ukaboni, mulandu waki unguwere so mu ofesi ya loya waboma

4. Pa 31 January 2020

   Wanguleka kuchita ukayidi wa panyumba wati waja mazuŵa 107 pa ukayidi wenuwu

5. Pa 16 October 2019

   Wati waja mazuŵa 179 mujeri, Irina wangutuzgika mujeri mo walindiziyanga mulandu waki ndipu wangwamba kuchita ukayidi wa panyumba

6. Pa 20 April 2019

   Ndi mulenji nyengu ya 3:00, apolisi a FSB angufufuza munyumba yaku Irina. Arara aboma angumumba mulandu chifukwa cha kuwungana kweniso kuchitiska maunganu. Iyu wangutoleke kujeri kuchilindiziya mulandu waki ndipu angumusazgiyaku nyengu yakujaliya kweniko kwa maulendu ngatatu

7. Pa 19 April 2019

   Apolisi 8 a FSB angufufuza munyumba ya Mzichi Nelly Tarasyuk wa vyaka 80. Irina ndi mwana waki munthukazi Natalya, ŵenga limoza ndi azichi anandi wo nawu ŵenga munyumba yaku Nelly. Pa nyengu yo apolisi afufuzanga, Nelly wangutama ndipu angumutole kuchipatala. Azichi anyaki wosi anguŵamanga ndipu anguŵato ndikuchiŵafumba mafumbu mazulu nga zuŵa lenili. Irina angumujaliya mujeri

Tipempha Yehova kuti walutirizgi kumupaska nthazi Mzichi Irina kweniso abali ndi azichi ŵidu akwanjiwa ku Russia, kuti alutirizgi kukunthiyapu masuzgu mwakuzikira ndipuso mwalikondwa.—Akolose 1:11.