Nibazyali, Amugwasye Bana Banu Kuti Bakombe Jehova Kabachili Baniini Bazyali bachiKristu bali achiyandisyo chakubona bana babo kabakomba Jehova chakusyomeka. Bazyali balakonzya kugwasya bana babo kuti bakombe Jehova kwiinda mukubayiisya atala aJehova kuzwa kabachili baniini. (Dt 6:7; Tus 22:6) Eezi ziyanda kuti babeleke changuzu. Kuti bachita oobo, bayoojana mpindu mbotu.—3Joh 4.

Bazyali balakonzya kwiiya zyiingi kuchikozyano chaJosefa aMariya. Bakali “kwiinka ku-Jerusalemu imyaaka emyaaka, kuciindi capobwe lya-Pasika,” nikuba kuti teekwakali kuuba pe kuchita oobo. (Lk 2:41) Zilaantanganana kuti bakali kuzibikkila maanu zintu zyabukombi. Mazubaano, bazyali balakonzya kuyiisya bana babo kuti bakombe Jehova kwiinda muzintu nzibaambuula anzibachita.—Int 127:3-5, NW.

AMWEEBELE VIDIYO ITII, BAKABELESYA MWEENYA NGUBAKALAAWO MPAWO MUSANDULE MIBUZYO IITOBELA:

• Jon aSharon Schiller bakatondeezya biyeni kuti babikkila maanu muzintu zyabukombi chiindi nibakali kukomezya bana babo?

• Nkamboonzi bazyali nibeelede kulaya mwana umwi awumwi kweendelana azyiimo zyakwe?

• Kujana bazyali babagwasya biyeni bana babo kuti balibambile kuzunda masunko?

• Nziizili zibelesyo zyambunga yaJehova nzimwakabelesya chiindi nimwakali kugwasya bana banu kuti bakombe Jehova?