Miswaangano yamulimu ilikozyenie ayimwi miswaangano yambungano nkaambo itupa mweenya wakutondeezyania luyando akuchitilana milimu mibotu. (Heb 10:24, 25) Miswaangano eeyi yeelede kuchitwa kwamaminiti aali 5 kusika ku7 kakuswaanizya kupa bantu chilawu chakukambawukila ankombyo. (Kuti muswaangano ooyo wachitwa kakuli kwazwaakuchitwa umwi muswaangano weelede kuchitwa mumaminiti mache.) Sikuchitisya muswaangano weelede kulibambila zintu zikonzya kuyoogwasya bantu batazwe kukukambawuka mubuzuba oobo. Muchikozyano, MuMugibelo bantu biingi banga bazwa kukukambawuka nga tabazwi pe aakati kamviki, nkinkaako weelede kuyeeyesesya atala anzutakaambe kumuswaangano wamulimu. Nziizili zimwi nkani zikonzya kwaambuulwa atala anzizyo kumiswaangano eeyi?

• Ulakonzya kubelesya zikozyano zyakwaambuuzyania zili muBuumi Bwesu BwachiKristu Amulimu Wesu—Kabbuku Kamuswaangano

• Mbukonzya kusaanguna kwaambuuzyania aamuntu kubelesya zintu zyakazwaakuchitika lino-lino naakuti manyuzi

• Mbukonzya kusandula muntu uulikukaka kukambawukilwa munzila iizibikene muchilawu chanu

• Mbukonzya kusandula muntu uutasyomi kuti Leza mpali, muntu uusyoma njiisyo yakulisandukila, muntu uuwambuula mulaka uumbi naakuti muntu uunjila chikombelo chitajayilikene pe nkukkala

• Mbukonzya kubelesya zintu zijanika aa jw.org, JW Library^® app naakuti Bbayibbele

• Mbukonzya kubelesya chimwi chaZibelesyo Nzitubelesya Kuyiisya Bantu

• Mbukonzya kubelesya zimwi nzila zyakukambawuka mbuli kukambawuka kubelesya fooni, kulemba magwalo, bukambawusi bwaantanganana, kubweedela naakuti kuchitisya zyiiyo zyaBbayibbele

• Ziyeekezyo zilaatala akulikwabilila, kuchincha-chincha, kulemeka, kuba aamaboneno aalikabotu azimwi

• Chiiyo naakuti kavidiyo kajanika mukabbuku kategwa Sungwaala Kukubala Akukuyiisya

• Mbukonzya kusungwaazya akugwasya muntu ngulaawe mumulimu wakukambawuka

• Lugwalo lweendelana aamulimu wakukambawuka naakuti zyakachitikila bamwi mumulimu wakukambawuka zinoneezya