Muchikozyano, bona zyakaambwa abamwi atala ambubakagwasigwa akubala Bbayibbele alubo akubelesya nzibakabala.

“Lino ndakaba aamaboneno aalikabotu. Alubo ndakachincha nzila njindiyeeyaayo ambundizibona zintu. Lino ndilikubotelwa mubuumi.”​—Fiona.

“Kubala Bbayibbele kwakapa kuti ndizibe kuti Leza wakatulengelaanzi akuti ndipone buumi bulaampindu.”​—Gnitko.

“Buumi bwangu bwakachincha. Nikuba kuti ndilabeleka pesi lino ndilikujana chiindi chakubaamwi ampuli yangu.”​—Andrew.

Mbiingi bantu bakagwasigwa akubala Bbayibbele mubuumi bwabo. Alubo munyika yoonse bantu biingi bakabona kuti Bbayibbele lilaanjiisyo zikonzya kubagwasya buzuba abuzuba.

Lino atulange-lange Bbayibbele mbulikonzya kutugwasya kuti . . .

• Tulikwabilile kumalwazi

• Tukonzye kunyona mbutulimvwa

• Tumvwanane abamumpuli abamwi bantu

• Twiibelesye kabotu mali

• Tubikkile maanu kuzintu zyabukombi

Zyiiyo zitobela zilatugwasya kubona kuti Bbayibbele ndibbuku lisalala akuti lilakonzya kutugwasya mubuumi bwesu buzuba abuzuba.