1. Jehova wakamuchitilaanzi umwi awumwi wabakombi bakwe basyomeka?

JEHOVA wakatondeezya luyando kwiinda mukuchita kuti umwi awumwi wabakombi bakwe basyomeka abe mumbungano yakwe. Nikuba kuti tuchita milimu iisiyene mumbungano, toonse tulayandikana alubo toonse tulagwasyania. Mwaapostolo Pawulu wakatugwasya kuti tumvwisisisye chiiyo eechi chiyandikana loko. Wakatugwasya biyeni?

2. Kweendelana alugwalo lwa Baefeso 4:16, nkamboonzi nitweelede kubelekelaamwi akubona kuti umwi awumwi ulayandikana?

² Mbuli mbukulembedwe mulugwalo luzulwida chiiyo eechi, Pawulu wakaamba kuti taakwe muntu weelede kubuzya mukombinyina kuti: “Tokwe mulimo kulindime.” (1 Kor. 12:21) Kuti katuyanda kuti mumbungano mukkale kamuli luumuno, tweelede kubelekelaamwi akubona kuti umwi awumwi ulayandikana. (Bala Baefeso 4:16.) Kuti twabelekaamwi katujisini, tulapa kuti mbungano isime.

3. Tulalanga-langaanzi muchiiyo eechi?

³ Nga tulatondeezya biyeni kuti tulabalemeka bakombima mumbungano? Muchiiyo eechi tulabona baalu mbubakonzya kutondeezya kuti balalemekana. Kuzwa waawo, tulalanga-langa kuti toonse nga tulatondeezya biyeni kuti tulabalemeka bakwesu batakwete abachizi batakwetwe. Alubo tulayiya mbutukonzya kutondeezya kuti tulabayanda bakwesu balikwiiya mulaka wesu.

4. Ngaali malayilile aali muli Baroma 12:10 baalu ngibeelede kutobelezya?

⁴ Baalu boonse bali mumbungano basalwa aJehova kabelesya muuya uusalala. Pesi umwi awumwi kuli nzyakonzya kuchita zisiyene azyawumwi. (1 Kor. 12:17, 18) Bamwi tabakwe chiindi chilamfu kabali baalu alubo tabakwe luzibo luli mbuli lwabamwi baalu. Bamwi tabachikonzyi pe kuchita zyiingi akaambo kakuchembaala akuchiswa. Taakwe mwaalu weelede kubonaanga umwi mwaalu ‘takwe mulimu pe kulinguwe.’ Pesi mwaalu umwi awumwi weelede kutobelezya malayilile akaambwa aPawulu muli Baroma 12:10.—Bala.

5. Baalu nga balatondeezya biyeni kuti balalemekana alubo nkamboonzi nikuyandikana kuchita oobo?

⁵ Baalu balakonzya kutondeezya kuti balalemekana kwiinda mukuswiilila chiindi umwi mwaalu nali kwaambuula. Kuswiilila bamwi kulayandikana kapati chiindi baalu nibabungana kuti baambuule makani ayandikana. Nkamboonzi? Atubone zyakaambwa aNgaziyakulinda yamuOctober 1, 1988, yakati: “Baalu beelede kuziba kuti Kristu kabelesya muuya uusalala, ulakonzya kugwasya kufumbwa mwaalu kuti aambe malayilile aamuBbayibbele akonzya kugwasya baalu kuti basale munzila yabusongo. (Mil. 15:6-15) Teemwaalu uumwi luzutu uugwasigwa amuuya uusalala pesi boonse.”

6. Baalu nga balachita biyeni kuti babeleke kabajisini alubo eezi ziyisimya biyeni mbungano?

⁶ Mwaalu uulemeka bamwi baalu tayandisyi kusaanguna kwaambuula chiindi choonse aamuswaangano wabaalu. Alubo tayandi kuti abe nguwe waambuula luzutu aamuswaangano wabaalu alubo teemumvwa zyakwe pe. Pesi ulalibombya chiindi naambuula maboneno aakwe. Ulaaswiilila akwaalemeka maboneno aabamwi. Kwiinda zyoonse ulaachiyandisyo chakwaabilana aabamwi malayilile aazwa muMagwalo akutobela zyaambwa ‘amuzike uusyomeka alimwi uuchenjede.’ (Mt. 24:45-47) Kuti baalu baambuula makani munzila yaluyando alubo kabalemekana, muuya  uusalala ulabagwasya kuti babambe zintu zisimya mbungano.—Jak. 3:17, 18.

7. Jesu wakali kukubona biyeni kutakwata naakuti kutakwatwa?

⁷ Mumbungano muli bantu bakwetene abali aabana. Alubo iswaanizya bakwesu batakwete abachizi batakwetwe. Ubabona biyeni bakombima batakwete abatakwetwe? Atubone kuti Jesu wakali kubabona biyeni. Chiindi Jesu naakali aanyika takwe naakakwata pe. Kukkala katakwete kwakamugwasya kuti abikkile maanu kumulimu wakwe. Jesu takwe naakayiisya kuti kukwata naakuti kutakwata mulawu. Pesi wakati bamwi maKristu bakali kukonzya kusala kutakwata naakuti kutakwatwa. (Mt. 19:11, 12) Jesu wakali kubalemeka bantu bakatakwete naakuti bakatakwetwe. Jesu taakali kubalangilaansi pe bantu aaba alubo takwe naakali kuyeeya kuti kuli chipambanikide mubuumi bwabo.

8. Kweendelana alugwalo lwa 1 Bakorinto 7:7-9 Pawulu wakasungwaazya maKristu kuti bachiteenzi?

⁸ Mbuli Jesu, mwaapostolo Pawulu taakakwete pe naakali kubeleka mulimu wakwe. Pawulu taakwe naakayiisya kuti maKristu tabeelede kukwata naakuti kukwatwa. Wakalizi kuti umwi awumwi weelede kulisalila. Nikuba boobo, Pawulu wakasungwaazya maKristu kuti balilange-lange kuti balakonzya na kubelekela Jehova kabatakwete naakuti kabatakwetwe. (Bala 1 Bakorinto 7:7-9.) Nisimpe Pawulu taakali kubalangilaansi maKristu batakwete naakuti batakwetwe. Eezi zyakapa kuti asale Timotewo, mukwesu wakatakwete kuti achite milimu iiyandikana mumbungano. * (Flp. 2:19-22) Nkinkaako takulikabotu kuyeeya kuti mukwesu uleelela naakuti teeleli pe kupegwa mulimu akaambo kakuti ulikwete naakuti takwete.—1 Kor. 7:32-35, 38.

9. Tweelede kukubona biyeni kukwata akutakwata?

⁹ Jesu amwaapostolo Pawulu taakwe nibakayiisya kuti maKristu beelede kukwata naakuti kutakwata. Nkinkaako tweelede kukubona biyeni kukwata akutakwata? Ngaziyakulinda yamuOctober 1, 2012 yakawusandula kabotu mubuzyo ooyu. Yakaamba kuti: “[Kukwata naakuti kutakwata] zyoonse nzipo zizwa kuli Leza. . . . Jehova taakwe nabona [kutakwata] mbuli chintu chipa kuti muntu abe abweeme.” Kuziba eezi kupa kuti tulemeke  bakwesu batakwete abachizi batakwetwe bali mumbungano.

10. Nga tulatondeezya biyeni kuti tulabalemeka bakwesu batakwete abachizi batakwetwe?

¹⁰ Nga tulatondeezya biyeni kuti tulalemeka mbubalimvwa akumvwisisisya zyiimo zyabakwesu batakwete abachizi batakwetwe? Tweelede kuyeeya kuti bamwi bakwesu abachizi bakasala kuti bakkale kabatakwete naakuti kabatakwetwe. Bamwi balayanda kukwata naakuti kukwatwa pesi tabanamujana pe muntu ngubeendelanaawe. Alubo bamwi bakafwidwa angubakakwetenaawe. Bamumbungano tabeelede kubuzya maKristu bali muzyiimo zili boobo kuti nkamboonzi nibatakwete naakuti kubakumbila kuti babayandwiide muntu wakukwatanaawe. Nikuba boobo, bamwi maKristu balakonzya kukumbila umwi muntu kuti abagwasye kuyanduula muntu wakukwatanaawe. Pesi kuti muKristu uutakwete naakuti uutakwetwe taakukumbila kuti umugwasye, ubonaanga ulamvwa biyeni kuti wamuyandwiida? (1 Tes. 4:11; 1 Tim. 5:13) Atulange-lange zyakaambwa abamwi bakwesu batakwete abachizi batakwetwe.

11-12. Niinzi nchitukonzya kuchita chikonzya kupa kuti bakwesu batakwete abachizi batakwetwe bafwe bweeme?

¹¹ Umwi mulangizi wabbazu uubeleka changuzu mumulimu wakwe wakaamba kuti kuli bubotu buba akaambo kakutakwata. Pesi wakaamba kuti zyakali kumukataazya kuti umwi mukwesu naakuti muchizi ngwalemeka wamubuzya kuti: “Nkamboonzi nutakwete?” Umwi mukwesu uutakwete uubeleka kuwofesi yamutabi wakati: “Chimwi chiindi zyaambwa abakwesu abachizi zipa kuti ndibonaanga maKristu batakwete naakuti batakwetwe beelede kufwidwa luzyalo. Eezi zipa kuti bantu babonaanga kutakwata teechipo pe pesi nkuyumu.”

¹² Umwi muchizi uutakwetwe uubeleka kuBbeteli wakaamba kuti: “Basikupupulula bamwi bayeeya kuti maKristu batakwete naakuti batakwetwe balikuyanduula muntu wakukwatanaawe alubo babonaanga woonse mpubaswaanana maKristu bawubona kawuli mweenya wakuyanduula wakukwatanaawe. Nindakatumwa amutabi kuti ndiye kuli bumwi busena ndakasika mubuzuba nikwakali miswaangano yambungano. Muchizi wakanditambula mung’anda yakwe wakandibuzya kuti mumbungano yabo kuli bakwesu babili basela lyangu. Wakandibuzya kuti taakali kweezya kundiyandwiida muntu wakukwatanaawe pe. Pesi nitwakasika kuNg’anda yaBwaami wakanditola kubakwesu aabo babili. Nzyaakachita zyakapa kuti tubule aakunjila toonse katuli batatu.”

13. Amba zikozyano zyakagwasya umwi muchizi uutakwetwe.

¹³ Umwi muchizi uutakwetwe uubeleka kuBbeteli wakaamba kuti: “Kuli mapayona batakwete abatakwetwe bakomena balikubeleka changuzu, balipeda, bakkutisikana mumulimu wabo alubo balikugwasya mbungano. Tabaliboni kabayandikana loko kwiinda bamwi alubo tabalilangilaansi akaambo kakuti tabakwete naakuti tabakwetwe akuti tabakwe bana pe.” Nchilongezyo kunjila ambungano ilaabantu balemekana alubo babona kuti umwi awumwi ulayandikana. Ulabona kuti bantu tabakufwidi luzyalo akaambo kakuti tukwetwe, tabakuchitili bbivwe naakuti kukubona kuyandikana kwiinda mbabo. Unoomvwa kuti balakuyanda.

14. Nga tulatondeezya biyeni kuti tulabalemeka bakwesu batakwete abachizi batakwetwe?

¹⁴ Bakwesu batakwete abachizi batakwetwe balabotelwa kuti twalanga zibotu nzibachita kutali kulanga kuti balikwete na naakuti balikwetwe. Muchiindi chakubafwida luzyalo  tweelede kubalumba akaambo kakusyomeka kwabo. Kuti twachita oobo, bakwesu abachizi aaba tabakamvwi mbuli kuti tulikubabuzya kuti: “Tokwe mulimo kulindime.” (1 Kor. 12:21) Pesi bayoobona kuti tulabalemeka akuti tubabona kabayandikana mumbungano.

15. Niinzi nzibachincha bamwi kuchitila kuti bayungizye mulimu wabo?

¹⁵ Mazubaano basikupupulula biingi balikulipeda kwiiya umwi mulaka kuchitila kuti bayungizye mulimu wabo wakukambawuka. Pesi kuti bachite oobu kuli kuchincha nkubachita. Bakwesu abachizi aaba nga basiya mbungano zibelesya milaka yabo mpawo nga bazoonjila ambungano zibelesya imwi milaka alubo ziyanda basikugwasilizya. (Mil. 16:9) Ooku nkulisalila nkubachita maKristu kuchitila kuti bachite zyiingi mukubelekela Jehova. Nikuba kuti zibatolela chiindi chilamfu kuti bakonzye kwaambuula kabotu mulaka mupya, bakwesu aaba nga bayigwasya loko mbungano. Buntu bwabo bubotu aluzibo lwabo lusimya bakwesu abachizi mumbungano. Tubabona kabayandikana bakwesu abachizi aaba akaambo kakulipeda kwabo.

16. Niinzi baalu nzibeelede kulanga chiindi nibayanda kulumbayizya mukwesu kuti abe mwaalu naakuti mubelesi uubelekela?

¹⁶ Kabunga kabaalu takeelede kuleka kulumbayizya mukwesu kuti abe mwaalu naakuti mubelesi uubelekela akaambo kakuti tanakonzya kwaambuula kabotu mulaka uubelesegwa aambungano. Pesi beelede kulanga zyeelelo zili muMagwalo kutali kulanga kuti ulawukonzya na mulaka uubelesegwa ambungano.—1 Tim. 3:1-10, 12, 13; Tit. 1:5-9.

17. Njiili mibuzyo njibakonzya kubaayo Bakamboni banga balongela kuli bumwi busena?

¹⁷ Bamwi maKristu bakalongela kuli zimwi nyika akaambo kazyiimo ziyumu naakuti kuyooyanduula mulimu. Eezi zilakonzya kupa kuti bana babo bayiye kuzikolo zibelesya mulaka wakunyika njibakalongela. Bazyali ambabo balakonzya kwiiya mulaka wakubusena oobo kuchitila kuti bajane mulimu. Nga balachita biyeni kuti kakuli mbungano naakuti kabunga kabelesya mulaka wabo? Mpuli eeyi yeelede kunjila ambungano iili? Nga balanjila ambungano iibelesya mulaka wabo na naakuti iibelesya mulaka mupya?

18. Kweendelana alugwalo lwa Bagalatiya 6:5, bambungano nga balatondeezya biyeni kuti balakulemeka kusala kwamutwe wampuli?

¹⁸ Mutwe wampuli nguwe weelede kusala kuti mpuli yakwe iyoonjila ayili mbungano. Mbukunga nkani eeyi njakulisalila, mutwe wampuli weelede kulanga kuti niinzi chikonzya kugwasya mpuli yakwe. (Bala Bagalatiya 6:5.) Bambungano beelede kulemeka kusala kwachitwa amutwe wampuli. Kufumbwa nzyasala tweelede kuzitambula akubabona  mbuli bantu bayandikana mumbungano yesu.—Rom. 15:7.

19. Niinzi nzyayelede kuyeeyesesya akukombela mutwe wampuli?

¹⁹ Chimwi chiindi, kulakonzeka kuti mpuli nga ilikunjila ambungano iibelesya mulaka wakulimbabo pesi kulakonzeka kuti bana nga tabawuzi kabotu mulaka ooyo. Kuti mbungano eeyo kayili kubusena kwaambuulwa mulaka wakubusena nkubakalongela, zilakonzya kubayumina bana kuti bamvwisisisye kumiswaangano akuti basime mubukombi. Nkamboonzi? Nkaambo kulakonzeka kuti kuchikolo bana bayiya mulaka waambuulwa kuchisi eecho kutali waambuulwa abazyali babo. Kuti kakuli boobo, mutwe wampuli weelede kuyeeyesesya akukomba kuli Jehova kuti amugwasye kusala munzila iitape kuti bana bakwe baswene afwiifwi aJehova abakombi bakwe. Balakonzya kuyiisya bana babo mulaka wakulimbabo naakuti kuyoonjila ambungano iibelesya mulaka ngubamvwisisisya bana babo. Kufumbwa mbungano njasala kuti mpuli yakwe injile aayo, bamumbungano beelede kwiilemeka mpuli eeyo akwiibona kayiyandikana.

20. Nga tulatondeezya biyeni kuti tulabalemeka bakwesu abachizi balikwiiya umwi mulaka?

²⁰ Kweendelana anzitwayiya, mumbungano zyiingi kunookkala kakuli bakwesu abachizi balikwiiya umwi mulaka. Eezi zilakonzya kupa kuti kubayumine kupandulula mbubalimvwa. Pesi kuti twaleka kubikkila maanu kunzila njibaambuulaayo mulaka mupya, zilapa kuti tubone kuti balamuyanda Jehova akuti balaachiyandisyo chakumubelekela. Kubona eezi kupa kuti tubabone kabayandikana akuti tubalemeke bakwesu abachizi aaba. Tatukoobabuzya kuti: “Tokwe mulimo kulindime” akaambo kakuti tabawuzi kabotu mulaka wesu.

21-22. Nchilongezyoonzi nchituli aacho toonse?

²¹ Tulamulumba Jehova akaambo kachilongezyo nchaakatupa chakuba mumbungano yakwe. Toonse tulayandikana kuli Jehova akuli umwi awumwi kazitakwe ndaba kuti tuli baalumi naakuti banakazi, tulikwete naakuti tatukwete, tuli bapati naakuti tuli baniini, tuluuzi kabotu umwi mulaka naakuti tatuuzi kabotu.—Rom. 12:4, 5; Kol. 3:10, 11.

²² Toonse atube amakanze akubelesya zyiiyo zibotu nzitwajana muchikozyano chaPawulu chazipanzi zyamubili wamuntu. Kuti twachita oobo, tulabona kuti nzituchita azichitwa abamwi zilayandikana mumbungano yaJehova.