Mwakaamvwisisisya na makani aNgaziyakulinda zyakiinda? Kujana mwayisandula biyeni mibuzyo iitobela:

Ntuutuli twaambo twamuMagwalo tutondeezya kuti Leza ulatufwida luzyalo?

MaIsrayeli nibakali mubuzike kuEgepita, Leza wakali kukubona kukataazikana kwabo amachise ngibali kuswaana. (Kul. 3:7; Is. 63:9) Twakalengwa muchikozyano chaLeza, nkinkaako, tulakonzya kutondeezya luzyalo. Leza ututondeezya luzyalo nikuba katulimvwa kuti tatweeleli pe.​—wp18.3, p. 8-9.

Njiisyo zyaJesu zyakabagwasya biyeni bantu kuti batabi amuuya wakusalulana?

MaJuda biingi muchiindi chaJesu bakali amuuya wakusalulana. Kristu wakatondeezya mbukuyandikana kulibombya akuti kulisumpula akaambo kamusyobo takuli kabotu pe. Wakasungwaazya batobeli bakwe kuti bajatane mbuuli babunyina.​—w18.06, p. 9-10.

Twiyaanzi kunzila Leza njaakakasya Musa kuti anjile Munyika Yachisyomezyo?

Musa wakali aabweenzinyina bulikabotu aJehova. (Dt. 34:10) Niyakaba aafwiifwi kumana minyaka iili 40 kabali munkanda, bantu bakang’ung’una kachibili akaambo kakubulika kwamaanzi. Leza wakabuzya Musa kuti aambuule abbwe. Pesi Musa wakawuma bbwe. Amwi Jehova wakamunyemena Musa nkaambo taakatobelezya malayilile aakwe naakuti akaambo kakuti Musa taakapa kuti Leza alemekwe akaambo kachigambyo eecho (My. 20:6-12). Makani aaya atuyiisya kuti kulayandikana kuswiilila Jehova akuchita zintu zipa kuti alemekwe.​—w18.07, p. 13-14.

Nkamboonzi nikuli kubisya kubeteka bamwi kweendelana anzitubona ameso?

Kuli zintu zitatu zipa kuti bantu babeteke bamwi kweendelana anzibabona ameso, ziswaanizya musyobo, bunoti aminyaka bamwi njibalaayo. Kulayandikana kubona bamwi mbuuli mbababona Leza uutasaluuli! (Inc. 10:34, 35)​—w18.08, p. 8-12.

Nziizili zimwi nzila maKristu bakomena nzibakonzya kugwasya bamwi?

MuKristu wakomena wakakumbilwa kuti asiile baniini imwi mikuli mipati mumbunga uchiyandikana mumeso aaLeza alubo ulakonzya kugwasya bamwi. Ulakonzya kukambawukila baalumi batakombi bakwete bachizi bachiKristu, kugwasya batachichiti kabotu mubukombi, kwiiya abantu Bbayibbele akuchita zyiingi mumulimu wakukambawuka.​—w18.09, p. 8-11.

Nziizili Zibelesyo Nzitubelesya Kukuyiisya Bantu nzitulaazyo?

Kuli tukkaadi twaJW.ORG. atupepa twakutamba bantu. Kuli tupepa tuli 8 amamagazini aaNgaziyakulinda a-Amubuke! Muzibelesyo eezi, kuli tubbuku, mabbuku aabili ngitubelesya kukwiiya aabantu atuvidiyo tuli 4, kuswaanizya akati Nkamboonzi Nitweelede Kwiiya Bbayibbele?​—w18.10, p. 16.

Kweendelana azilembedwe muli Tusimpi 23:23, muKristu ‘ukawula biyeni kasimpe’?

Tatubbadali mali pe kuti tuule kasimpe. Pesi tubelesya chiindi amanguzu eesu kuti tukajane.​—w18.11, p. 4.

Twiiyaanzi kunzila Hosiya mbaakachita kumukayintu wakwe Gomeri?

Gomeri wakali kuchita bwaamu kwaziindi zyiingi pesi Hosiya taakamuleka pe. Kuti umwi muKristu mulukwatano wachita bwaamu, ngwakwetenaawe ulakonzya kumulekelela. Kuti ooyo wachitilwa bwaamu mulukwatano wasala kuti batalekani, kuzumina kuti baswaanane lubo mumakani aakoonana kutondeezya kuti wamulekelela alubo ngatakuchikwe kaambo kamuMagwalo kapa kuti balekane.​—w18.12, p. 13.