KULI basimbi babili bakali kuyobweendeenda muDolopo lyaBaguio lili kuPhilippines. Bakabona kangolo pesi teebakasika pe aafwiifwi. Muchizi uutegwa Helen wakali aakangolo wakamwemwetela naakababona. Basimbi aaba bakazumanana alweendo lwabo pesi teebakaziluba pe nzyaakachita Helen.

Nikwakayinda chiindi, basimbi aaba kabali mubbaasi bakabona chibbaakani chipati chakalembwe kuti jw.org chakali aaNg’anda yaBwaami. Bakazoobona kuti mabala aaya ngawo ngibakabwene kukangolo. Bakaseluka mubbaasi kuti bakalange chibbaakani chakali aaNg’anda yaBwaami chakali kutondeezya chiindi chinjilwa aambungano zisiyene-siyene.

Basimbi aaba bakazoonjila miswaangano yambungano yakatobela. Bakagamba nibakabona Helen chiindi nibakanjila muNg’anda yaBwaami. Bakafwambaana kuziyeeya kuti muntu ooyu ngunguwe wakamwemwetela nibakali kweendeenda mudolopo. Helen wakati, “Ndakayoowa chiindi nibakaza kuzoowambuula aandime, ndakayeeya kuti amwi kuli nchindabisya.” Pesi basimbi aaba bakabuzya Helen zyakachitika.

Basimbi aaba yakabanoneezya miswaangano alubo bakabotelwa kuba aamwi aaBakamboni. Niyakamana miswaangano bakabona bamwi kabali kusalazya Ng’anda yaBwaami mpawo bakakumbila kuti ambabo bagwasilizye. Umwi musimbi tachikkali muPhilippines pe pesi wakasyaala ulikunjila miswaangano alubo wakatalika kwiiya Bbayibbele. Zyoonse eezi zyakachitika akaambo kakumweta-mweta.