Kuli nuwakali waswaana penzi na mpawo wabula uukugwasya? Tulikupona ‘muziindi ziyumu, zikataazya kupona’ zipa kuti tukataazikane akuti tulimvwe katuli aatulikke. (2 Tim. 3:1) Nikuba oobo, kuti twaswaana mapenzi kuli bantu bakonzya kutugwasya. Bbayibbili lyaamba kuti, beenzuma bachoonzyo balatugwasya “muziindi zyamapenzi.”—Tus. 17:17.

Mwaapostoli Pawulu wakali kugwasigwa aabeenzinyina mbaakali kweenda aabo. (Kol. 4:​7-11) Pawulu naakasungidwe kuRoma, beenzinyina bakamuchitila milimu njaakatali kukonzya pe kulichitila. Muchikozyano, Epafrodito wakatolela Pawulu zintu nzyaakali kuyandikana zyakazwa kubakwesu abachizi bakuFilipi. (Flp. 4:18) Tikkikko wakatola magwalo aakalembwa aaPawulu kumbungano zisiyene-siyene. (Kol. 4:7) Akaambo kakugwasigwa aabeenzinyina, Pawulu wakayinkilila kunembo amulimu wakukambawuka nikuba kuti wakalisungidwe mung’anda anaakasungidwe kali aalikke mujele. Kujana watondeezya biyeni kuti uli mweenzuma wachoonzyo mazubaano?

Mazubaano, kuli bakwesu abachizi batondeezya mbukuyandikana kuba mweenzuma wachoonzyo. Elisabet, payona wachiindi choonse wakuSpain, wakapandulula mbaakagwasigwa aawumwi muchizi naakali mubuyumu-yumu. Bayina nibakachiswa kkensa iitasilikiki, muchizi ooyo wakalembela Elisabet mameseji aali aamavesi. Elisabet wakaamba kuti, “Mameseji aaya, akandipa manguzu aakuti ndilisimye buzuba abuzuba alubo teendakachili kulimvwa kuti ndili aandikke.”—Tus. 18:24.

Tulakonzya kusimya bweenzuma mbutulaabo abakombima kwiinda mukubagwasya kumilimu iichitwa mumbungano. Muchikozyano, tulakonzya kutola mukwesu naakuti muchizi uuchembeede kumuswaangano naakuti kukukambawuka katubelesya moota yesu. Kuti twachita oobo, tulakonzya kusungwaazyania ambabo. (Rom. 1:12) Nikuba oobo, bamwi maKkristu tabakonzyi pe kuzwa aamaanda aabo akaambo kazyiimo. Kujana twabatondeezya biyeni kuti tuli beenzinyina bachoonzyo?

Bamwi bakombima tabakonzyi pe kunjila miswaangano kuNg’anda yaBwaami akaambo kakuchiswa naakuti akaambo kazyiimo zimwi. Atubone chikozyano chaDavid wakajatwa bulwazi bwakkensa. Wakali kusilikwa kwamyeezi yiinda ku 6. Naakali kusilikwa, we amwanakazi wakwe Lidia, bakali kunjila miswaangano kababelesya vidiyo kkoolu.

Bakwesu abachizi bamumbungano yabo bakabagwasya biyeni? Niyakali kumana miswaangano,  bakwesu abachizi bamwi kuNg’anda yaBwaami, bakali kwaambuula aaDavid aLidia kababelesya vidiyo kkoolu. Nibakali kusandula kumiswaangano, bakombinyina bakali kubasendela mameseji aakubasungwaazya. Eezi zyakapa kuti balimvwe kabayandwa.

Tulakonzya kukambawuka aamukwesu naakuti muchizi uutakonzyi kuzwa aang’anda. Tulakonzya kuchincha pulogilamu yesu yakukambawuka kuchitila kuti tukambawuke aambabo. Kuti twachita oobo, nga tulikutondeezya kuti tatubalubide pe. (Tus. 3:27) Tulakonzya kukambawuka aamwi ambabo katubelesya magwalo naakuti fooni. Aabo batakonzyi kuzwa aang’anda, balakonzya kunjila miswaangano yamulimu wakukambawuka kababelesya vidiyo kkoolu. David aLidia bakaayanda mabambe aaya. David wakapandulula kuti, “Kwaambuuzyania kwachiindi chifwiifwi akukomba katulaamwi abamukabunga kesu kamulimu wakukambawuka, kwakali kutusungwaazya loko.” Kuti zyiimo zyamukwesu naakuti muchizi uutakonzyi kuzwa aang’anda kazizumina, tulakonzya kumukumbila kuti tuzooyiye aamuntu ngutwiiyaawe aang’anda yakwe anguwe kaliwo.

Kuti twajana chiindi chakubaamwi abakwesu abachizi batakonzyi kuzwa aang’anda, tulabaziba kabotu, tulaziba buntu bubotu mbubalaabo alubo tulamvwanana ambabo. Muchikozyano, chiindi nitumvwa nzila njibayiisyaayo ambubagwasya muntu ngubalikuyiisya kuti aswene aafwiifwi aJehova, nga twabalemeka loko. Tulaba aabeenzuma bapya kuti twagwasya bakwesu abachizi kuti bayinke kukukambawuka akumiswaangano.—2 Kor. 6:13.

Pawulu naakaswaana buyumu-yumu, mweenzinyina Tito wakamuswaya alubo kuswaya ooko kwakamuumbulizya. (2 Kor. 7:​5-7) Kulikabotu kubuzya bakwesu abachizi majwi aasungwaazya, pesi chikozyano chaTito chituyiisya kuti tulakonzya kubawumbulizya bakombima kuti twajana chiindi chakubaamwi ambabo akubagwasya.—1 Joh. 3:18.

Bakwesu abachizi bakuRussia nchikozyano chibotu chakugwasya bamwi. Atubone zyakachitikila Sergey amwanakazi wakwe Tatyana. Mapolisa nibakasecha ng’anda yabo, bakabatola kukkeempu kuti bakababuzye-buzye. Tatyana nguwe wakasaanguna kubweeda kung’anda. Sergey wakaamba kuti: “Tatyana naakasika kung’anda, umwi muchizi uli aachibindi wakamuswaya. Kwakazoosika beenzuma alubo bakatugwasya kuti tubambe zintu mung’anda.”

Sergey wakayungizya kuti: “Lugwalo lwa Tusimpi 17:17 ndiluyandisya loko, lwaamba kuti: ‘Mulongwe mwini-mwini ulatondezya luyando ciindi coonse, alimwi ngomunyoko wakazyalilwa kuti akugwasye muziindi zyamapenzi.’ Majwi aaya ndaabwaamvwisisisya loko muchiindi eechino nitulikupenzegwa chiindi bakwesu abachizi nibandigwasya. Jehova wakandipa beenzuma bali aachibindi alubo balikubbazu lyangu.” a

Mbukunga zyiimo ziyobwiindilila biya kubija, tuyanda beenzuma bakonzya kutugwasya. Tuyoobayanda loko beenzuma aaba muchiindi chamapenzi mapati. Nkinkaako, atweezye amanguzu eesu woonse kuti tube beenzuma bachoonzyo lino!—1 Pet. 4:​7, 8.