Bala Jeremiya 38:​1-13 kuti ubone mupolofita Jeremiya ankume-nkume Ebbedi-melekki mbubakatondeezya chibindi.

Langa-langa makani aazyungulukide. Nkamboonzi Jeremiya naakaba aachibindi chakubuzya bantu mulumbe waLeza? (Jer. 27:​12-14; 28:​15-17; 37:​6-10) Bantu bakachitaanzi nibakamvwa mulumbe?—Jer. 37:​15, 16.

Yanduulisisya atala aamwi makani. Bantu bakali kuyanda kuti Jeremiya achiteenzi? (jr-E 26-27 ¶20-22) Bona kuti migodi yakali kubelesegwaanzi akuti yakali biyeni. (it-1-E 471) Kweelede kuti Jeremiya wakali kumvwa biyeni naakali mumugodi anaakali kuyabubbila mumadaka? Kweelede kuti niinzi chakali kupa kuti Ebbedi-melekki ayoowe?—w12-E 5/1 31 ¶2-3.

Yanduula zyiiyo mpawo uzibelesye. Libuzye kuti:

• ‘Nkani eeyi indiyiisyaanzi atala anzila Jehova njabakwabililaayo bakombi bakwe basyomeka?’ (Int. 97:10; Jer. 39:​15-18)

• ‘Muuzyiimo zili mundeelede kutondeezya chibindi?’

• ‘Niinzi nzindikonzya kuchita kuti ndibe aachibindi chakuchita zintu zilikabotu nikuba kuti bamwi tabayandi?’(w11-E 3/1 30) a