Mwakaamvwisisisya na makani aNgaziyakulinda zyakiinda? Kujana mwayisandula biyeni mibuzyo iitobela:

Nziizili nzila zine zikonzya kutugwasya kuti twiimbe kabotu?

Tweelede kwiimikila kabotu akutola mabbuku anyimbo aajulu. Tweelede kuyoya kabotu. Kuti twajula mulomo, tulakonzya kwiimbila aajulu.—w17.11, p. 5.

Migwagwa amyuunzi yakuyubila yamuchiindi chamaIsrayeli yakabambidwe biyeni?

Kwakali myuunzi yakuyubila iili 6 yakali mumasena aatakataazyi kusika alubo migwagwa yakabambidwe kabotu. Mbuyakabambidwe myuunzi eeyi amigwagwa zyakali kupa kuti muntu afwambaane kusika.—w17.11, p. 14.

Nkamboonzi chipo chachinunuzyo chaJesu nichiyandikana kwiinda zyoonse?

Chipa kuti tukonzye kupona akuti tunununwe kuchibi alufu. Nikuba kuti tuli bana baAdamu, Leza wakatuyanda akutuma Jesu kuti azootufwide nikuba kuti tuli achibi.—wp17.6, p. 6-7.

Lugwalo lwaIntembauzyo 118:22 lutondeezya biyeni kuti nguJesu wakali kuyoobusigwa?

Bantu bakamukaka Jesu kuti nguMesiya nkinkaako, bakamujaya. Kuti abe “mutwe wacooko,” wakeelede kubusigwa.—w17.12, p. 9-10.

Luzubo lwaMesiya lwakeelede kuzwa kubana bataanzi na?

Chimwi chiindi lunyungu lwaJesu lwakali kuswaanizya bana bataanzi pesi chimwi chiindi teembuzyakabede pe. Davida taakali mwana mutaanzi waJese pesi Mesiya wakazwa kulunyungu lwaDavida.—w17.12, p. 14-15.

Ngaali amwi malayilile aabusilisi aajanika muBbayibbele?

Kweendelana aMulawu, bantu bakali kuchiswa amwi malwazi bakeelede kukkala kule abamwi. Bantu bakeelede kusamba kumaboko nibazwa akujata mutunta. Mulawu wakali kwaamba kuti, bantu beelede kuvwikkila tombe lyamuchimbuzi. Mwana wakeelede kupalulwa naaba amazuba aali 8 kazyedwe eezi zyakali kupa kuti chilonda chifwambaane kujatana.—wp18.1, p. 7.

Nkamboonzi maKristu nibeelede kuliyanda?

Tweelede kuyanda basimayakilane mbuuli mbutuliyanda. (Mk. 12:31) Baalumi beelede ‘kuyanda banakazi babo mbuuli mibili yabo beni.’ (Ef. 5:28) Pesi kuliyanda kwesu takweelede kwiindilila.—w18.01, p. 23.

Nziizili zintu zikonzya kutugwasya kuti tubikkile maanu muzintu zyabukombi?

Tweelede kubala Bbayibbele, tuyeeyesesye atala nzitubala akuzibelesya mubuumi. Tweelede kukumbila muuya uusalala kuti utugwasye akuzumina kugwasigwa aabamwi.—w18.02, p. 26.

Nkamboonzi nituteelede kubuzya ziyoochitika kunembo kuli basikupandulula bweende bwanyenyeezi akubasondi?

Kuli twaambo twiingi pesi kaambo kapati nkakuti Bbayibbele talikuzumizyi pe kuchita oobo.—wp18.2, p. 4-5.

Tweelede kuchita biyeni kuti twazumina kutambwa kuyoolya abamwi?

Kuti twatambwa mpawo twazumina, tweelede kuzuzikizya nzitwakaamba. (Int. 15:4) Tatweelede kuleka kakutakwe kaambo kayandikana. Zilakonzya kuti muntu watutamba wabeleka changuzu kulibambila.—w18.03, p. 18.

Nzyiiyoonzi nzibakonzya kujana baalumi basalidwe kuli Timotewo?

Timotewo wakali kubayanda bantu alubo wakabikka mulimu wakukambawuka mubusena bwakusaanguna. Wakabeleka changuzu mumulimu waLeza akubelesya nzyaakayiya. Wakazumanana kuliyiisya alubo wakali kusyoma kuti muuya uusalala ulamugwasya. Baalu amaKristu boonse balakonzya kutobelezya chikozyano chakwe.—w18.04, p. 13-14.