Bantu tabachilemekani pe munyika. Bamwi bantu bachiswa nga batukila madokotela; bamwi bawula chakulya muma-lesichwalenti nga batukila aabo babapa chakulya; bamwi basikugada ndeke bapopotela bantu babeleka mundeke; bamwi kuchikolo tabachibaswiilili pe bayiisi babo; alubo bamwi bazyapolitikisi bachita zintu zibi loko mpawo bamwi balyaamba kuti bachita zintu zilikabotu.

 Bbayibbili lilakonzya kutugwasya kuti tulemeke bamwi. Alubo litondeezya kuti nkamboonzi bantu nibatachilemeki mazubaano.

 Munyika muzwide bantu batalemeki bamwi, batalijati abatakwe buntu bulikabotu.

•   Kweendelana akuyanduulisisya kwakachitwa, kwakabonwa kuti bantu biingi ku-United States tabachibalemeki pe bamwi kwiinda mbubakali kuchita minyaka iili 22 yayinda.

•   Kweendelana akumwi kuyanduulisisya kwakachitwa kakubelesegwa bantu bayinda ku 32 000 munyika zili 28, 65 pesenti yabantu aaba bakaamba kuti bantu tabachilemeki pe kwiinda mbuli mbubakali kuchita chiindi.

 Bbayibbili litubuzya atala abuntu bubi mbutulikubona mazubaano.

•   “Kumazuba aakumamanino, kuzooba ziindi ziyumu. Nkaambo bantu bazooba basikuliyanda, basikuyandisya mali, basikulidunda, basikulisumpula, basikusampula, bataswiilili bazyali, batalumbi, batasyomeki, . . . batakwe luyando, [alubo] bayoosya.”—2 Timoti 3:1-3.

 Kuti ujane makani miingi atala akuzuzikizigwa kwabupolofita oobu, bala chiiyo chiti “Sena Bbaibbele Lyakaambilalimwi Bantu Mbobanikuyeeya Akucita Zintu Mazuba Aano?”

 Munyika eeyi iizwide bantu batalemeki, bantu biingi bakabona kuti Bbayibbili lilakonzya kubagwasya kuti babe aabuntu bulikabotu. Malayilile aazwa muBbayibbili “alasyomeka ciindi coonse lino mane kukabe kutamani.” (Intembauzyo 111:8) Bona zikozyano zitobela:

•   Nzilyaamba Bbayibbili: “Zintu zyoonse nzimuyanda kuti bantu bamuchitile, andinywe mweelede kubachitila mbuboobo.”—Mateyo 7:12.

   Eezi Zyaamba Kuti: Tweelede kubajata kabotu bamwi mbuli mbutuyanda kuti batujate.

•   Nzilyaamba Bbayibbili: “Mbukunga lino mwalusowa lweeno, umwi awumwi wanu aambe choonzyo kuli simayakilane wakwe.”—Ba-efeso 4:25.

   Eezi Zyaamba Kuti: Tweelede kusyomeka muzintu zyoonse nzitwaamba anzituchita.

 Kuti ujane makani miingi atala ankani eeyi, bala:

•   Ngaziyakulinda ilaamutwe utii “Niinzi Chikonzya Kukugwasya Kuti Uzibe Chibotu Achibi?.”

•   Chiiyo chiti “Bbaibbele Mbolikonzya Kutugwasya Kutabeteka Bamwi.”