Mwaalumi wakanotede aLazaro teebantu bakapona choonzyo pe, pesi chikozyanisyo biyo chakaambwa aaJesu mulwaano lwakwe. (Lukka 16:19-31) Mulwaano oolu, bantu aaba bayimikilila tubunga tubili twabantu: (1) bazulwidi maJuda bakali kuliyanda loko bamumazuba aakapona Jesu (2) abantu balangilwa aansi pesi kabali bantu balikabotu bakatambula makani aaJesu.

Muchiiyo eechi, tulabona kuti:

•  Jesu wakaambaanzi atala amwaalumi wakanotede aLazaro?

•  Lwaano oolu lwakachitika na choonzyo?

•  Lwaano oolu luzuminana aamuzeezo wakuti kuli helo na?

•  Lwaano lwamwaalumi wakanotede aLazaro lwaambaanzi?

 Muli Lukka chaandaano 16, Jesu upandulula baalumi babili bakachinchilwa aazintu mubuumi bwabo.

 Nchechino chikozyanisyo chakkona chakaambwa aaJesu: Mwaalumi wakanotede wakali aazyoonse nzyaakali kuyanda mubuumi. Sikukumbilila wakali kutegwa Lazaro wakali kubikkwa aageedi lyamwaalumi ooyo uunotede; kaalangilila kuti ulapegwa chakulya chiloka kuzwa kutebbulu lyamwaalumi ooyo uunotede. Mukuya kwachiindi Lazaro wakazoofwa, ngilozi zyakamunyampula zyamutola kubbazu lyaAbbrahamu. Mwaalumi wakanotede anguwe wakazoofwa mpawo wakazikkwa. Mulwaano oolu, baalumi aaba boonse kabali babili batondeezedwe kabali muchiimo chabantu bafwide. Mwaalumi wakanotede wakafwide ooyo wakali kupenzegwa mumulilo uuvwilima mpawo wakakumbila Abbrahamu kuti amutumine Lazaro kuti azoomutontoozye lulimi lwakwe adosi lyamaanzi kuzwa aakanwe kaLazaro. Abbrahamu wakakakila mwaalumi ooyo wakanotede, mpawo wakati baalumi boonse kabali babili bali kujana kweendelana anzibakali kuchita alubo aakati kwabikkwa dindi damfu litakonzyi kuzubukwa.

 Peepe. Eechi chakali chikozyanisyo biyo Jesu nchaakabelesya kuti ayiisye chiiyo. Basikulanga-langa makani aamuBbayibbili balazumina kuti eechi nchikozyanisyo biyo. Muchikozyanisyo, mutwe ujanika muBbayibbili lyaLuther lyamu1912 lyaamba kuti eechi nchikozyanisyo biyo. Alubo Catholic Jerusalem Bible, mumakani aamunsi, lyaamba kuti eechi “nchikozyanisyo biyo chakachitwa mbuli kaano, tachaambuuli atala aabantu bakaponede pe choonzyo.”

 Jesu wakali kuyiisya kuti muntu wiinkilila kunembo na kaapona kuti wafwa? Wakali kwaamba kuti bantu balapenzegwa muhelo chiindi nibafwa akuti Abbrahamu aLazaro bakali kujulu na? Kuli bumboni bwiingi butondeezya kuti teembubo pe.

 Muchikozyanisyo:

•   Kuti kakuli kuti mwaalumi wakanotede wakali mundawu yachoonzyo yakali kuvwilima mulilo, mulilo ooyo teewakali kuyooyuminizya maanzi aakanwe kaLazaro na?

•   Nikuba kuti taayuminizigwa pe, dosi lyamaanzi lyakali kukonzya na kupa kuti mwaalumi ooyo afutuke kumulilo uuvwilima ooyo wakali kumupenzya?

•   Abbrahamu walikuba muumi biyeni kujulu kakuli Jesu wakaamba aantanganana kuti kusika aachiindi nchaakaamba chikozyanisyo eechi, taakwe muntu wakatantide kujulu?—Johane 3:13.

 Peepe. Nikuba kuti oolu teelwaano lwakachitika choonzyo, bamwi baamba kuti lutondeezya kuti bantu babotu baya kujulu akuti bantu babi bazoopenzegwa muhelo lyamulilo. a

 Muzeezo ooyu uliluleme na? Peepe.

 Muzeezo wahelo lyamulilo taweendelani pe azyaambwa aaBbayibbili atala abantu bafwide. Muchikozyanisyo, talyaambi kuti bantu babotu boonse bafwa bapona buumi bubotu kujulu naakuti bantu babi balapenzegwa muhelo lyamulilo. Pesi Bbayibbili lyaamba kuti: “Baumi balizyi kuti bayoofwa, pele bafwide tabazyi cintu nociba comwe.”—Mukambausi 9:5.

 Lwaano oolu lutondeezya kuti matanga aabili aabantu akali kuyooswaanana aakuchincha kupati mubuumi bwabo.

 Mwaalumi wakanotede wiiminina bazulwidi bachikombelo bamaJuda, “aabo bakali kuyandisya mali.” (Lukka 16:14) Bakali kuswiilila Jesu naakali kwaambuula, pesi bakazikazya nzyaakali kwaamba. Bazulwidi bazikombelo aaba bakali kubalangila aansi bantu biyo.—Johane 7:49.

 Lazaro wiiminina bantu biyo bakatambula makani aaJesu alubo bakali kulangilwa aansi abazulwidi bazikombelo bamaJuda.

 Kuchincha kwabuumi kwakachitikila matanga oonse kaali aabili.

•   Bazulwidi bazikombelo bamaJuda bakali kuyeeya kuti bakali kuzulwidwa aaLeza. Pesi kwakali mbuli kuti balifwide, chiindi nibakakaka Leza kwiinda munzila njibakali kukombaayo, nkaambo teebakaatambula pe makani akali kuyiisigwa aaJesu. Alubo bakapenzegwa aamakani akakambawukwa aaJesu abatobeli bakwe.—Mateyo 23:29, 30; Milimu 5:29-33.

•   Bantu biyo—aaba bakali bakakwa aabazulwidi bazikombelo—lino bakali baabubotelwa. Bayingi bakaatambula makani aamuMagwalo aakali kuyiisigwa aaJesu alubo akabagwasya. Lino bali aamweenya wakubotelwa akaambo kakuyandwa aaLeza kukabe kutamani.—Johane 17:3.