1 Makani 26:1-32
26 Nkamu zyabalindizi bamilyango+ nzyeezyi: kuzwa kubana Kora, kwakali Meselemiya+ mwana wa Kore umwi wabana ba Asafu.
2 Meselemiya wakajisi bana aaba: Mutaanzi wakali Zekariya, wabili wakali Jediyaeli, watatu wakali Zebadiya, wane wakali Jatiniyeli,
3 wasanu wakali Elamu, wacisambomwe wakali Jehohanana waciloba wakali Eliho-enai.
4 Obedi-edomu wakajisi bana aaba: Mutaanzi wakali Semaya, wabili wakali Jehozabadi, watatu wakali Joa, wane wakali Sakari, wasanu wakali Netaneli,
5 wacisambomwe wakali Amiyeli, waciloba wakali Isakara iwalusele wakali Peuletai; nkaambo Leza wakamulongezya.
6 Awalo Semaya mwanaakwe, wakazyala bana basankwa ibakali basololi baziinga zyabamausyi, nkaambo bakali baalumi basinguzu alimwi basimide.
7 Bana ba Semaya mbaaba: Otini, Refaeli, Obedi a Elizabadi; alimwi banabokwabo ba Elihu a Semakiya abalo bakali baalumi basimide.
8 Boonse aaba bakali bana ba Obedi-edomu; balo abana babo alimwi abanabokwabo bakali baalumi basimide alimwi ibeelela kubeleka mulimo, antoomwe bakali 62.
9 Alimwi Meselemiya+ wakajisi bana basankwa alimwi abanabokwabo, ibaalumi basimide bali 18.
10 Hosa umwi wabana ba Merari wakajisi bana basankwa. Simiri nguwakali silutwe nokuba kuti tanaakali mutaanzi, usyi ngowakamusala kuba silutwe,
11 wabili wakali Hilikiya, watatu wakali Tebaliya eelyo wane wakali Zekariya. Bana basankwa boonse ba Hosa alimwi abanabokwabo bakali 13.
12 Munkamu eezyi zyabalindizi bamilyango, basilutwe bakajisi milimo yeelene ayabanabokwabo. Bakali kubeleka milimo kuŋanda ya Jehova.
13 Aboobo bakauma cisolo+ camikwasyi miniini mbubonya mbuli mikwasyi mipati kweelana aziinga zyabo zyabamausyi kuti baabilwe milyango iindene-indene.
14 Mpoonya cisolo cakujwe cakawida Selemiya. Zekariya mwanaakwe, sikupa lulayo uucenjede, bakamuumina cisolo, eelyo cisolo cakunyika cakamuwida.
15 Obedi-edomu wakawidwa cakumusanza, eelyo bana bakwe+ bakapegwa ziyobwedo.
16 Supimu a Hosa+ bakawidwa cakumbo kufwaafwi a Mulyango wa Saleketi kumugwagwa uutanta mulundu. Nkamu yabalindizi iimwi yakali kulangana ankamu yabalindizi iimbi;
17 kujwe kwakali ba Levi bali cisambomwe; kunyika kwakali bone abuzuba, kumusanza kwakali bone abuzuba, alimwi kuziyobwedo+ kwakali bobilo-bobilo;
18 kukkoce lyakumbo kumugwagwa+ kwakali bone eelyo mukkoce kwakali bobilo.
19 Eezyi nzyezyakali nkamu zyabalindizi ibakasalidwe kuzwa kubana Kora abana Merari.
20 Kujatikizya ba Levi, Ahija nguwakali kulanganya ziyobwedo zyaŋanda ya Leza mwini-mwini alimwi aziyobwedo zimwi zyazintu zisalala.*+
21 Kuzwa kubana ba Ladani: ibana bamuna Gerisoni baluzubo lwa Ladani, nkokuti basilutwe baziinga zyabamausyi zya Ladani muna Gerisoni, kwakali Jehiyeli+
22 alimwi bana ba Jehiyeli, Zetamu a Joeli mwanookwabo. Bakali kulanganya ziyobwedo zyaŋanda ya Jehova.+
23 Kuzwa kubana Amuramu, bana Izara, bana Hebroni abana Uzieli,+
24 Sebuyeli mwana wa Gerisomu mwana wa Musa nguwakali musololi wakuziyobwedo.
25 Banabokwabo ibakali balunyungu lwa Eliezere,+ kwakali Rehabiya,+ Jesaya, Joramu, Zikiri, a Selomoti.
26 Ooyu Selomoti abanabokwabo bakali kulanganya ziyobwedo zyazintu zisalala+ eezyo Mwami Davida,+ basilutwe baziinga zyabamausyi,+ basilutwe bazyuulu abamyaanda alimwi abasilutwe bampi zyabasikalumamba nzyobakasalazya.
27 Bakali kusalazya zimwi zisaalo+ nzyobakasaala munkondo+ kuti zigwasye mukubambulula ŋanda ya Jehova;
28 alimwi azintu zyoonse eezyo Samuele sikubona zyakumbele,+ Saulo mwana wa Kisi, Abineri+ mwana wa Neri alimwi a Joabu+ mwana wa Zeruya+ nzyobakasalazya. Kufwumbwa zintu muntu nzyaasalazya, Selomiti* abanabokwabo mbabakali kuzilanganya.
29 Kuzwa kubana Izara,+ Kenaniya abana bakwe bakapegwa kulanganya milimo yaanze kabali basilutwe ababetesi+ babana Israyeli.
30 Kuzwa kubana Hebroni,+ Hasabiya abanabokwabo, baalumi basimide bali 1,700 mbabakali kweendelezya bana Israyeli mucilawo ca Jordano nkocili kumbo mumilimo ya Jehova yoonse alimwi amumilimo yamwami.
31 Kuzwa kubana Hebroni, Jeriya+ nguwakali silutwe wabana Hebroni kweelana amazyalani aaziinga zyabamausyi. Mumwaka wa 40 wabulelo bwa Davida,+ kwakaba kuyandaula bantu, eelyo baalumi basinguzu alimwi basimide bakajanwa akati kabo mu Jazeri+ ku Gileadi.
32 Lino banabokwabo, ibaalumi basimide alimwi basilutwe baziinga zyabamausyi bakali 2,700. Aboobo Mwami Davida wakababikka kulanganya bana Rubeni, bana Gadi acisela camusyobo wabana Manase mutwaambo toonse tujatikizya Leza mwini-mwini alimwi amwami.
Bupanduluzi buyungizyidwe
^ Naa “zyazintu zyaabidwe.”
^ Ooyu ngo Selomoti iwaambwa mutupango 25 a 26.
