1 Makani 27:1-34
-
Basilutwe mumulimo wamwami (1-34)
27 Ooyu ngomweelwe wabana ba Israyeli, nkokuti basilutwe baziinga zyabamausyi, basilutwe bazyuulu abamyaanda+ alimwi abasololi babo ibakali kubelekela mwami+ mumakani aajatikizya nkamu zyabaabo ibakali kuunka akupiluka mwezi amwezi mumwaka woonse; munkamu imwi aimwi bakali 24,000.
2 Iwakali kulanganya nkamu yakusaanguna yamwezi wakusaanguna wakali Jasobeamu+ mwana wa Zabidiyeli, munkamu yakwe bakali 24,000.
3 Kuzwa kubana ba Perezi+ ngonguwe wakali mupati wabasilutwe boonse bankamu zyabaabo ibakapedwe kulanganya mulimo mumwezi wakusaanguna.
4 Iwakali kulanganya nkamu yamwezi wabili wakali Dodai+ muna Ahohi,+ eelyo Mikiloti ngowakali musololi, munkamu yakwe bakali 24,000.
5 Silutwe wankamu yatatu iwakapedwe kulanganya mulimo mumwezi watatu wakali Benaya+ mwana wa Jehoyada+ silutwe wabapaizi, munkamu yakwe bakali 24,000.
6 Ooyu Benaya wakali sikalumamba singuzu akati kabaalumi bali 30 alimwi wakali kulanganya bali 30, alimwi iwakali kulanganya nkamu yakwe wakali Amizabadi mwanaakwe.
7 Iwane mumwezi wane wakali Asaheli+ mwanookwabo a Joabu,+ a Zebadiya mwanaakwe iwakanjila mubusena bwakwe, munkamu yakwe bakali 24,000.
8 Silutwe wasanu iwakali kulanganya nkamu yamwezi wasanu wakali Samuti muna Izirahiya, munkamu yakwe bakali 24,000.
9 Iwacisambomwe mumwezi wacisambomwe wakali Ira+ mwana wa Ikesi muna Tekowa,+ munkamu yakwe bakali 24,000.
10 Iwaciloba mumwezi waciloba wakali Helezi+ muna Peloni umwi wabana ba Efraimu, munkamu yakwe bakali 24,000.
11 Iwalusele mumwezi walusele wakali Sibekai+ muna Husati umwi wabana Zera,+ munkamu yakwe bakali 24,000.
12 Iwafwuka mumwezi wafwuka wakali Abiezeri+ muna Anatoti+ umwi wabana Benjamini, munkamu yakwe bakali 24,000.
13 Iwa 10 mumwezi wa 10 wakali Maharai+ muna Netofati umwi wabana Zera,+ munkamu yakwe bakali 24,000.
14 Iwa 11 mumwezi wa 11 wakali Benaya+ muna Piratoni umwi wabana ba Efraimu, munkamu yakwe bakali 24,000.
15 Iwa 12 mumwezi wa 12 wakali Heledai muna Netofati iwamukwasyi wa Otiniyeli, munkamu yakwe bakali 24,000.
16 Aaba mbabakali basololi bamisyobo yabana Israyeli: Kubana Rubeni wakali Eliezere mwana wa Zikiri; kubana Simeoni wakali Sefatiya mwana wa Maaka;
17 kuba Levi wakali Hasabiya mwana wa Kemueli; kuli Aroni wakali Zadoki;
18 kuba Juda wakali Elihu,+ umwi wabanabokwabo a Davida; kuli Isakara wakali Omuri mwana wa Mikayeli;
19 kubana Zebuloni wakali Isimaya mwana wa Obadiya; kubana Nafutali wakali Jerimoti mwana wa Azirieli;
20 kubana Efraimu wakali Hosea mwana wa Azaziya; kucisela camusyobo wa Manase wakali Joeli mwana wa Pedaya;
21 kucisela camusyobo wa Manase ku Gileadi wakali Ido mwana wa Zekariya; kubana Benjamini wakali Jasiyeli mwana wa Abineri;+
22 kubana Dani wakali Azareli mwana wa Jerohamu. Aaba mbabakali basololi bamisyobo yabana Israyeli.
23 Davida tanaakababala aabo ibakali amyaka iili 20 kuyaansi, nkaambo Jehova wakasyomezya kuti ulabavwuzya bana Israyeli mbuli nyenyeezi zyakujulu.+
24 Joabu mwana wa Zeruya wakalitalikide kubala bantu, pele tanaakamanizya pe; bukali bwa Leza bwakababukila bana Israyeli* akaambo kaceeci,+ aboobo mweelwe tiiwakalembwa mubbuku lyamakani aakaindi aamba zyamazuba aa Mwami Davida.
25 Iwakali kulanganya ziyobwedo zyamwami+ wakali Azimaveti mwana wa Adieli. Jonatani mwana wa Uziya wakali kulanganya matala* aakali mumyuunda, muminzi, mutunzi alimwi amungazi.
26 Iwakali kulanganya basimilimo ibakali kulima mumyuunda wakali Eziri mwana wa Kelubu.
27 Simeyi muna Ramati ngowakali kulanganya myuunda yamisaansa; mpoonya iwakali kulanganya izyakali mumyuunda yamisaansa yakupangizya waini wakali Zabidi muna Sifimi.
28 Iwakali kulanganya maolifa amikuyu+ iyakali mu Sepela+ wakali Baala-hanani muna Gederi; eelyo iwakali kulanganya mafwuta ngu Joasi.
29 Iwakali kulanganya butanga ibwakali kucelela ku Saroni+ wakali Sitirai muna Saroni, eelyo Safati mwana wa Adilai wakali kulanganya butanga ibwakali mucibanda.
30 Iwakali kulanganya nkamela wakali Obili muna Isimayeli; eelyo iwakali kulanganya mbongolo* wakali Jedeya muna Meronoti.
31 Iwakali kulanganya mbelele wakali Jazizi muna Hagiri. Boonse aaba bakali basololi ibakali kulanganya zintu zya Mwami Davida.
32 Jonatani+ mujwa wa Davida wakali sikulaya, mwaalumi uumvwisya alimwi wakali mulembi, mpoonya Jehieli mwana wa Hakimoni wakali kulanganya bana bamwami.+
33 Ahitofeli+ wakali sikulaya wamwami, eelyo Husai+ muna Ariki wakali mweenzinyina wamwami.
34 Musyule lya Ahitofeli kwakaba Jehoyada mwana wa Benaya+ alimwi a Abiyatara;+ eelyo Joabu+ wakali silutwe wampi yabasikalumamba yamwami.
Bupanduluzi buyungizyidwe
^ Mu Chihebrayo, “alimwi bukali bwakasikila bana Israyeli.”
^ Naa “ziyobwedo zyalubono.”
^ Mu Chihebrayo, “mbongolo zizyazi.”
