1 Makani 4:1-43
4 Bana ba Juda bakali ba Perezi,+ Hezironi,+ Karimi, Huri+ a Sobala.+
2 Reaya imwana wa Sobala wakazyala Jahati; eelyo Jahati wakazyala Ahumai a Lahadi. Eeyi njiyakali mikwasyi yabana Zorati.+
3 Aaba mbabakali bana bausyi Itamu:+ Jezreeli, Isima, Idibasi (mucizyi wabo wakali Hazeleleponi),
4 Penueli wakali usyi Gedoro alimwi Ezeri wakali usyi Husa. Aaba mbabakali bana ba Huri+ imwana mutaanzi wa Efrata alimwi usyi Betelehemu.+
5 Asuri+ usyi Tekowa+ wakakwete bamakaintu bobilo, Hela a Naara.
6 Naara wakamuzyalila Ahuzamu, Heferi, Temeni a Hahasitari. Aaba mbabakali bana ba Naara.
7 Bana ba Hela bakali ba Zereti, Izara a Etinani.
8 Kozi wakazyala Anubu a Zobeba alimwi amikwasyi ya Ahareli mwana wa Harumu.
9 Lino Jabezi wakali kulemekwa kapati kwiinda banabokwabo; alimwi banyina ibakamuulika zina lya Jabezi,* bakati: “Ndakamuzyala mumacise.”
10 Jabezi wakakwiilila Leza wa Israyeli kuti: “Noondilongezya akukomezya cilawo cangu akupa kuti janza lyako libe andime akundivwuna kumapenzi kutegwa atandiwidi!” Aboobo Leza wakamucitila ncaakalomba.
11 Kelubu imwanookwabo a Suha wakazyala Mehiri iwakali usyi Esitoni.
12 Esitoni wakazyala Beti-rafa, Paseya a Tehina usyi Iri-nahasi. Aaba mbabakali baalumi baku Reka.
13 Bana ba Kenazi bakali ba Otiniyeli+ a Seraya, eelyo mwana* wa Otiniyeli wakali Hatati.
14 Meonotai wakazyala Ofira. Eelyo Seraya wakazyala Joabu usyi Ge-harasimu,* bakali kwiitwa boobo nkaambo bakali basyaabupampu mukupanga zintu.
15 Bana ba Kalebe+ mwana wa Jefune bakali ba Iru, Ela a Naama; alimwi mwana* wa Ela wakali Kenazi.
16 Bana ba Jehaleleli bakali ba Zifi, Zifa, Tiriya a Asareli.
17 Bana ba Ezira bakali ba Jeteri, Meredi, Eferi a Jaloni; mukaintu* ooyo wakamita alimwi akuzyala Miriamu, Samai a Isiba usyi Esitimoa.
18 (Mukaintu wakwe muna Juda wakazyala Jeredi usyi Gedoro, Heberi usyi Soko a Jekutiyeli usyi Zanowa.) Aaba mbabakali bana ba Bitiya mwana musimbi wa Farao ooyo ngwaakakwata Meredi.
19 Bana bamukaintu wa Hodiya imucizyi wa Nahamu bakali bamausyi ba Keila muna Garimi a Esitimoa muna Maakati.
20 Bana ba Shimoni bakali ba Amunoni, Rina, Beni-hanani a Tiloni. Eelyo bana ba Isi bakali ba Zoheti a Beni-zoheti.
21 Bana ba Sela+ imwana wa Juda bakali ba Ere usyi Leka, Laada usyi Maresha amikwasyi yabasimilimo bamilembo mibotu ibamuŋanda ya Asibeya,
22 a Jokimu abaalumi baku Kozeba, Joasi a Sarafa, ibakakwata bamakaintu bana Moabu, alimwi a Jasubi-lehemu. Makani aaya ngakaindi.*
23 Bakali babumbi ibakali kukkala ku Netaimu aku Gedera. Nkobakali kukkala ooko akubelekela mwami.
24 Bana ba Simeoni+ bakali ba Nemueli, Jamini, Jaribu, Zera alimwi a Saulu.+
25 Saulu wakazyala Salumu, Salumu wakazyala Mibisamu eelyo Mibisamu wakazyala Misima.
26 Misima wakazyala Hamueli, Hamueli wakazyala Zakuri, eelyo Zakuri wakazyala Simeyi.
27 Lino Simeyi wakajisi bana basankwa bali 16 abasimbi bali cisambomwe; pele banabokwabo tiibakajisi bana basankwa banji alimwi kunyina bamikwasyi yabo ibakajisi bana banji mbuli baalumi ba Juda.+
28 Bakali kukkala mu Beere-seba,+ mu Molada,+ mu Hazara-suala,+
29 mu Biliha, mu Ezemu,+ mu Toladi,
30 mu Betueli,+ mu Horima,+ mu Zikilaga,+
31 mu Beti-malikabotu, mu Hazara-susimu,+ mu Beti-biri amu Saaraimu. Eeyi njeyakali minzi yabo kusikila ciindi Davida naakalela.
32 Minzi yabo iimbi yakali Itamu, Ayini, Rimoni, Tokeni a Asana,+ minzi yosanwe,
33 kubikkilizya atunzi twabo toonse twakazingulukide minzi eeyi mane kusikila ku Baala. Eeyi njemilongo yamazyalani aabo iyakalembwa alimwi amasena nkobakali kukkala.
34 Mesobabu, Jamuleki, Josa mwana wa Amaziya,
35 Joeli, Jehu mwana wa Josibiya mwana wa Seraya mwana wa Asieli,
36 Eliunai, Jaakoba, Jesohaya, Asaya, Adieli, Jesimieli, Benaya,
37 Ziza mwana wa Sifi mwana wa Aloni mwana wa Jedaya mwana wa Simiri mwana wa Semaya;
38 aaba boonse ibakalembedwe mazina aabo bakali basilutwe akati kamikwasyi yabo alimwi mikwasyi yabamausyi yakavwula kapati.
39 Alimwi bakaunka kumanjililo aa Gedoro kujwe lyakkuti kuyooyandaula macelelo aabutanga bwabo.
40 Mukuya kwaciindi bakajana macelelo mabotu alimwi nyika yakali kwakwabukide, yakali aluumuno alimwi tiiyakanyonganizyidwe pe. Aabo ibakasaanguna kukkala kooko bakali bana Hamu.+
41 Aaba ibakalembwa mazina aabo bakaboola mumazuba aa Mwami Hezekiya+ wa Juda akunyonyoona matente aabana Hamu aba Meunimu ibakajanwa ooko. Bakabanyonyoona kusikila sunu; aboobo bakakkala mubusena bwabo nkaambo ooko kwakali macelelo aabutanga bwabo.
42 Bana Simeoni bamwi, nkokuti baalumi bali 500 bakaunka ku Cilundu ca Seiri+ antoomwe a Pelatiya, Neariya, Refaya a Uzieli ibana ba Isi ibakali kubasololela.
43 Alimwi bakabajaya bana Amaleki+ ibakasyeede aabo ibakatijide, eelyo bakakkala ooko kusikila sunu.
Bupanduluzi buyungizyidwe
^ Zina lya Jabezi lilakozyanya abbala lya Chihebrayo, ilyaamba “macise.”
^ Mu Chihebrayo, “bana.”
^ Nkokwaamba kuti “Kkuti lya Basyaabupampu Mukupanga Zintu.”
^ Mu Chihebrayo, “bana.”
^ Ambweni iwaambwa aawa ngu Bitiya waambidwe mukapango 18.
^ Naa “Makani aaya ngacilengwa cakaindi.”
