1 Makani 6:1-81
6 Bana ba Levi+ bakali ba Gerisoni, Kohati+ a Merari.+
2 Bana ba Kohati bakali ba Amuramu, Izara,+ Hebroni a Uzieli.+
3 Bana ba Amuramu+ bakali ba Aroni,+ Musa+ a Miriamu.+ Eelyo bana ba Aroni bakali ba Nadabu, Abihu,+ Eleazara+ a Itamara.+
4 Eleazara wakazyala Finehasi;+ Finehasi wakazyala Abisuwa.
5 Abisuwa wakazyala Buki; Buki wakazyala Uzi.
6 Uzi wakazyala Zerahiya; Zerahiya wakazyala Merayoti.
7 Merayoti wakazyala Amariya; Amariya wakazyala Ahitubi.+
8 Ahitubi wakazyala Zadoki;+ Zadoki wakazyala Ahimaazi.+
9 Ahimaazi wakazyala Azariya; Azariya wakazyala Johanani.
10 Johanani wakazyala Azariya. Wakabeleka kali mupaizi muŋanda eeyo Solomoni njaakayaka mu Jerusalemu.
11 Azariya wakazyala Amariya; Amariya wakazyala Ahitubi.
12 Ahitubi wakazyala Zadoki;+ Zadoki wakazyala Salumu.
13 Salumu wakazyala Hilikiya;+ Hilikiya wakazyala Azariya.
14 Azariya wakazyala Seraya;+ Seraya wakazyala Jehozadaki.+
15 Jehozadaki wakatolwa kali mwaange ciindi Jehova naakalekela kuti Juda a Jerusalemu batolwe kabali baange a Nebukadinezara.
16 Bana ba Levi bakali ba Gerisomu,* Kohati a Merari.
17 Aaba mbabakali bana ba Gerisomu: Libini a Simeyi.+
18 Bana ba Kohati bakali ba Amuramu, Izara, Hebroni a Uzieli.+
19 Bana ba Merari bakali ba Mali a Musi.
Eeyi njeyakali mikwasyi yaba Levi kweelana abamausyi:+
20 Gerisomu+ wakazyala Libini, Libini wakazyala Jahati, Jahati wakazyala Zima,
21 Zima wakazyala Joa, Joa wakazyala Ido, Ido wakazyala Zera, Zera wakazyala Jeaterai.
22 Bana* ba Kohati bakali ba Aminadabu iwakazyala Kora, Kora+ wakazyala Asiri,
23 Asiri wakazyala Elikana, Elikana wakazyala Ebiasafu,+ Ebiasafu wakazyala Asiri,
24 Asiri wakazyala Tahati, Tahati wakazyala Urieli, Urieli wakazyala Uziya, Uziya wakazyala Saulu.
25 Bana ba Elikana bakali ba Amasai a Ahimoti.
26 Eelyo bana ba Elikana bakali ba Zofai, Zofai wakazyala Nahati,
27 Nahati wakazyala Eliabu, Eliabu wakazyala Jerohamu, Jerohamu wakazyala Elikana.+
28 Bana ba Samuele+ mbaaba: mutaanzi wakali Joeli, wabili wakali Abija.+
29 Bana* ba Merari bakali ba Mali,+ Mali wakazyala Libini, Libini wakazyala Simeyi, Simeyi wakazyala Uza,
30 Uza wakazyala Simea, Simea wakazyala Hagiya, Hagiya wakazyala Asaya.
31 Aaba mbambabo Davida mbaakasala kweendelezya milimo yakwiimba muŋanda ya Jehova ciindi Bbokesi nilyakabikkwa mumo.+
32 Mulimo wabo wakali wakwiimba kutente lyakuswaanganina kusikila ciindi Solomoni naakayaka ŋanda ya Jehova mu Jerusalemu,+ alimwi bakali kuubeleka mulimo wabo kweelana amalailile ngobakapedwe.+
33 Aaba mbabaalumi ibakali kubeleka abana babo: Bana ba Kohati bakali ba Hemani+ imwiimbi, mwana wa Joeli,+ mwana wa Samuele,
34 mwana wa Elikana,+ mwana wa Jerohamu, mwana wa Elieli, mwana wa Towa,
35 mwana wa Zufi, mwana wa Elikana, mwana wa Mahati, mwana wa Amasai,
36 mwana wa Elikana, mwana wa Joeli, mwana wa Azariya, mwana wa Zefaniya,
37 mwana wa Tahati, mwana wa Asiri, mwana wa Ebiasafu, mwana wa Kora,
38 mwana wa Izara, mwana wa Kohati, mwana wa Levi, mwana wa Israyeli.
39 Asafu imwanookwabo wakali kwiima kululyo lwakwe; Asafu+ wakali mwana wa Berekiya, mwana wa Simea,
40 mwana wa Mikayeli, mwana wa Baaseya, mwana wa Malikiya,
41 mwana wa Etini, mwana wa Zera, mwana wa Adaya,
42 mwana wa Etani, mwana wa Zima, mwana wa Simeyi,
43 mwana wa Jahati, mwana wa Gerisomu, mwana wa Levi.
44 Balunyungu lwa Merari+ banabokwabo bakali kulumwensyi lwabo; kwakali Etani+ mwana wa Kisi, mwana wa Abidi, mwana wa Maluki,
45 mwana wa Hasabiya, mwana wa Amaziya, mwana wa Hilikiya,
46 mwana wa Amuzi, mwana wa Bani, mwana wa Semeri,
47 mwana wa Mali, mwana wa Musi, mwana wa Merari, mwana wa Levi.
48 Banabokwabo, nkokuti ba Levi bakasalwa* kubeleka milimo yoonse yaatente lyakukombela, nkokuti ŋanda ya Leza mwini-mwini.+
49 Aroni abana bakwe+ bakali kuuntumuna busi bwazipaizyo acipaililo cazituuzyo zyuumpwa+ alimwi aacipaililo catununkilizyo,+ bakali kubeleka milimo iijatikizya zintu zisalalisya akumanya milandu yabana Israyeli+ kweelana azintu zyoonse Musa mubelesi wa Leza mwini-mwini nzyaakalailila.
50 Aaba mbabakali balunyungu lwa Aroni:+ Eleazara+ wakazyala Finehasi, Finehasi wakazyala Abisuwa,
51 Abisuwa wakazyala Buki, Buki wakazyala Uzi, Uzi wakazyala Zerahiya,
52 Zerahiya wakazyala Merayoti, Merayoti wakazyala Amariya, Amariya wakazyala Ahitubi,+
53 Ahitubi wakazyala Zadoki,+ Zadoki wakazyala Ahimaazi.
54 Aaya ngaakali masena ngobakali kukkala balunyungu lwa Aroni mucilawo cabo icakayakilidwe malambo: Lunyungu lwa Aroni kuzwa kumukwasyi wabana Kohati ndolwakali lwakusaanguna kuwidwa cisolo,
55 bakapegwa Hebroni+ munyika ya Juda antoomwe amacelelo aanguwo aaengelede.
56 Pele nyika yamunzi atunzi twayo bakapa Kalebe+ mwana wa Jefune.
57 Alimwi balunyungu lwa Aroni bakapegwa minzi yamayubilo,*+ Hebroni,+ Libina+ amacelelo aanguwo, Jatiri,+ Esitimoa amacelelo aanguwo,+
58 Hileni amacelelo aanguwo, Dibiri+ amacelelo aanguwo,
59 Asana+ amacelelo aanguwo, Beti-semesi+ amacelelo aanguwo;
60 alimwi kuzwa kumusyobo wa Benjamini, bakapegwa Geba+ amacelelo aanguwo, Alemeti amacelelo aanguwo a Anatoti+ amacelelo aanguwo. Minzi yabo yoonse yakali 13 akati kamikwasyi yabo.+
61 Bana ba Kohati ibakasyaala bakapegwa* minzi iili kkumi kuzwa kumukwasyi wamusyobo uumbi, kuzwa kucisela camusyobo, nkokuti cisela ca Manase.+
62 Bana Gerisomu bakapegwa minzi iili 13 kweelana amikwasyi yabo kuzwa kumusyobo wa Isakara, kumusyobo wa Aseri, kumusyobo wa Nafutali akumusyobo wa Manase mu Basani.+
63 Bana Merari kweelana amikwasyi yabo bakapegwa minzi iili 12 kwiinda mukuuma cisolo kuzwa kumusyobo wa Rubeni, kuzwa kumusyobo wa Gadi akuzwa kumusyobo wa Zebuloni.+
64 Aboobo bana Israyeli bakapa ba Levi minzi eeyi antoomwe amacelelo aanjiyo.+
65 Kuyungizya waawo, kwiinda mukuuma cisolo bakabapa minzi eeyi kuzwa kumusyobo wa Juda, kumusyobo wa Simeoni akumusyobo wa Benjamini, eeyo iibandaukwa mazina.
66 Mikwasyi imwi yabana Kohati yakalijisi minzi kuzwa kumusyobo wa Efraimu kaili zilawo zyabo.+
67 Bakabapa minzi yamayubilo,* Sekemu+ amacelelo aanguwo mumalundu aa Efraimu, Gezeri+ amacelelo aanguwo,
68 Jokimeamu amacelelo aanguwo, Beti-horoni+ amacelelo aanguwo,
69 Aijaloni+ amacelelo aanguwo, alimwi a Gati-rimoni+ amacelelo aanguwo;
70 kuzwa kucisela camusyobo wa Manase bakapa mikwasyi yabana Kohati ibakasyeede, Aneri amacelelo aanguwo a Bileamu amacelelo aanguwo.
71 Kuzwa kucisela camusyobo wa Manase, bana ba Gerisomu bakabapa Golani+ mu Basani amacelelo aanguwo a Asitaroti amacelelo aanguwo;+
72 kuzwa kumusyobo wa Isakara bakabapa Kedesi amacelelo aanguwo, Daberati+ amacelelo aanguwo,+
73 Ramoti amacelelo aanguwo a Anemu amacelelo aanguwo;
74 kuzwa kumusyobo wa Aseri bakapegwa Masala amacelelo aanguwo, Abidoni amacelelo aanguwo,+
75 Hukoki amacelelo aanguwo, Rehobu+ amacelelo aanguwo;
76 kuzwa kumusyobo wa Nafutali bakapegwa Kedesi+ waku Galilaya+ amacelelo aanguwo, Hamoni amacelelo aanguwo a Kiriyataimu amacelelo aanguwo.
77 Bana Merari ibakasyaala bakabapa minzi eeyi kuzwa kumusyobo wa Zebuloni,+ Rimono amacelelo aanguwo, Tabori amacelelo aanguwo;
78 eelyo mucilawo ca Jordano ku Jeriko kujwe lya Jordano, kuzwa kumusyobo wa Rubeni, bakapegwa Bezeri uuli munkanda amacelelo aanguwo, Jahazi+ amacelelo aanguwo,
79 Kedemoti+ amacelelo aanguwo a Mefati amacelelo aanguwo;
80 kuzwa kumusyobo wa Gadi bakapegwa Ramoti waku Gileadi amacelelo aanguwo, Mahanaimu+ amacelelo aanguwo,
81 Hesiboni+ amacelelo aanguwo alimwi a Jazeri+ amacelelo aanguwo.
Bupanduluzi buyungizyidwe
^ Ngonguwe alimwi iwaambwa kuti Gerisoni mukapango 1.
^ Naa “Lunyungu.”
^ Naa “Lunyungu.”
^ Mu Chihebrayo, “mbabakapegwa.”
^ Naa “bakapegwa kwiinda mukuuma cisolo.”
