1 Makani 7:1-40
7 Lino bana ba Isakara bakali ba Tola, Puwa, Jasubu a Simironi+–antoomwe bakali bone.
2 Bana ba Tola bakali ba Uzi, Refaya, Jerieli, Jamai, Ibisamu a Semuele, aaba bakali basilutwe baziinga zyabamausyi. Basikalumamba ibakazwa kuli Tola bakali basinguzu, mweelwe wabo mumazuba aa Davida wakali 22,600.
3 Balunyungu* lwa Uzi bakali ba Izirahiya eelyo bana ba Izirahiya bakali ba: Mikayeli, Obadiya, Joeli a Isiya–boonse bosanwe bakali basilutwe.
4 Alimwi mulunyungu lwabo kweelana aziinga zyabamausyi, mumpi yabo kwakali basikalumamba bali 36,000 ibakalibambilide kuunka kunkondo nkaambo bakajisi bamakaintu banji abana banji.
5 Alimwi banabokwabo ibamikwasyi yoonse ya Isakara bakali basikalumamba basinguzu, bakali 87,000 kweelana ambobakalembedwe mumazyalani aabo.+
6 Bana ba Benjamini+ bakali ba Bela,+ Bekeri+ a Jediyaeli+–antoomwe bakali botatwe.
7 Bana ba Bela bakali ba Eziboni, Uzi, Uzieli, Jerimoti a Iri–antoomwe bakali bosanwe–basilutwe baziinga zyabamausyi alimwi bakali basikalumamba basinguzu, ibakalembedwe mumazyalani aabo bakali 22,034.+
8 Bana ba Bekeri bakali ba Zemira, Joasi, Eliezere, Eliunai, Omuri, Jeremoti, Abija, Anatoti a Alemeti–boonse aaba bakali bana ba Bekeri.
9 Mazyalani aabo akalembedwe kweelana alunyungu lwabo nkokuti basilutwe baziinga zyabamausyi, bakali basikalumamba basinguzu bali 20,200.
10 Bana ba Jediyaeli+ bakali ba Bilihani alimwi bana ba Bilihani bakali ba: Jeusi, Benjamini, Ehudi, Kenana, Zetani, Tarisi a Ahisahara.
11 Boonse aaba bakali bana ba Jediyaeli kweelana abasilutwe babamausyi, basikalumamba basinguzu alimwi ibakalibambilide kuunka kunkondo, antoomwe bakali 17,200.
12 Bana Supimu abana Hupimu bakali bana ba Iri;+ bana Husimu bakali bana ba Aheri.
13 Bana ba Nafutali+ bakali ba Jazieli, Guni, Jezeri a Salumu*–ibalunyungu* lwa Biliha.+
14 Bana ba Manase+ mbaaba: Asirieli, ooyo mwanakasuwa wakwe muna Siriya ngwaakamuzyalila. (Mukaintu ooyo wakazyala Makiri+ usyi Gileadi.
15 Makiri wakajanina Hupimu a Supimu bamakaintu, alimwi mucizyi wabo wakali Maaka.) Eelyo wabili wakali Zelofehadi,+ pele Zelofehadi wakajisi basimbi balo.+
16 Maaka, imukaintu wa Makiri wakazyala mwana musankwa akumuulika zina lyakuti Peresi; alimwi zina lyamwanookwabo wakali Seresi; eelyo bana bakwe basankwa bakali ba Ulamu a Rekemu.
17 Mwana* wa Ulamu wakali Bedani. Aaba mbabakali bana ba Gileadi mwana wa Makiri imwana wa Manase.
18 Mucizyi wakwe wakali Hamoleketi. Wakazyala Isihodi, Abiezeri a Mala.
19 Eelyo bana ba Semida bakali ba Ahiani, Sekemu, Liki a Aniamu.
20 Bana ba Efraimu+ bakali ba Sutela,+ Sutela wakazyala Beredi, Beredi wakazyala Tahati, Tahati wakazyala Eleada, Eleada wakazyala Tahati,
21 Tahati wakazyala Zabadi, Zabadi wakazyala Sutela, Ezeri a Eleadi. Baalumi bana Gati+ ibakazyalwa munyika bakabajaya akaambo kakuti bakaunka kuyoosaala banyama babo bavwubwa.
22 Efraimu usyi wabo wakabalila mazuba manji, eelyo banabokwabo bakali kuunka kuyoomuumbulizya.
23 Kumane wakoona amukaintu wakwe, eelyo wakamita akuzyala mwana musankwa. Wakamuulika kuti Beriya,* nkaambo wakazyalwa ciindi nikwakali mapenzi muŋanda yakwe.
24 Mwanaakwe musimbi wakali Seera, ooyu ngowakayaka Beti-horoni+ Wamunselelo+ a Waatala alimwi a Uzeni-seera.
25 Kumane Efraimu wakazyala Refa alimwi a Resefe, Resefe wakazyala Tela, Tela wakazyala Tahani,
26 Tahani wakazyala Ladani, Ladani wakazyala Amihudi, Amihudi wakazyala Elisama,
27 Elisama wakazyala Nuni, Nuni wakazyala Joshua.*+
28 Ndoolu lukono lwabo nkobakali kukkala: Beteli+ aminzi misyoonto* yanguwo, kujwe Narani, kumbo Gezeri aminzi misyoonto yanguwo, Sekemu aminzi misyoonto yanguwo mane kusikila ku Aza* aminzi misyoonto yanguwo;
29 mpoonya munzi wakabambene alunyungu lwa Manase wakali Beti-seani+ aminzi misyoonto yanguwo, Taanaki+ aminzi misyoonto yanguwo, Megido+ aminzi misyoonto yanguwo a Dori+ aminzi misyoonto yanguwo. Oomu balunyungu lwa Josefa imwana wa Israyeli mobakali kukkala.
30 Bana ba Aseri bakali ba Yimuna, Isiva, Jisivi, a Beriya,+ mpoonya Sera wakali mucizyi wabo.+
31 Bana ba Beriya bakali ba Heberi a Malikieli, ooyo iwakali usyi Birizaiti.
32 Heberi wakazyala Jafuleti, Someri, Hotamu a Shuwa mucizyi wabo.
33 Bana ba Jafuleti bakali ba Pasaki, Bimuhali a Asivati. Aaba mbabakali bana ba Jafuleti.
34 Bana ba Semeri* bakali ba Ahi, Roga, Jehuba a Aramu.
35 Bana ba Helemu* imwanookwabo bakali ba Zofa, Imuna, Selesi a Amali.
36 Bana ba Zofa bakali ba Suwa, Harineferi, Syuali, Beri, Imura,
37 Bezeri, Hodi, Sama, Silisa, Itirani a Beera.
38 Bana ba Jeteri bakali ba Jefune, Pisipa a Ara.
39 Bana ba Ula bakali ba Ara, Hanieli a Riziya.
40 Boonse aaba bakali bana ba Aseri, basilutwe basalidwe bamuziinga zyabamausyi, basikalumamba basinguzu, bapati babasilutwe; mweelwe wabaalumi babo ibakalibambilide kuunka kunkondo ibakalembwa+ kweelana amilongo yamazyalani aabo wakali 26,000.+
Bupanduluzi buyungizyidwe
^ Mu Chihebrayo, “Bana.”
^ Mu Chihebrayo, “bana.”
^ Mu Chihebrayo, “Bana.”
^ Nkokwaamba kuti “Mumapenzi.”
^ Naa “Jehoshua,” nkokwaamba kuti “Jehova Ndufwutuko.”
^ Naa “yeengelede.”
^ Naa ambweni, “Gaza,” pele kutali Gaza waku Filisiti.
^ Ooyu ngo Someri iwaambwa mukapango 32.
^ Kuboneka kuti ooyu ngo Hotamu iwaambwa mukapango 32.
