Intembauzyo 145:1-21
Lwiimbo lwakutembaula lwa Davida.
א [Aleph]
145 Ndinookutembaula, O Mwami Leza wangu,+Ndinootembaula zina lyako lyoonse alyoonse mane kukabe kutamani.+
ב [Beth]
2 Ndinookutembaula buzuba boonse;+Ndinootembaula zina lyako lyoonse alyoonse mane kukabe kutamani.+
ג [Gimel]
3 Jehova mupati alimwi weelede kutembaulwa kapati;+Bupati bwakwe kunyina muntu uukonzya kubumvwisya.+
ד [Daleth]
4 Izyalani azyalani linootembaula milimo yako;Banakwaamba zyamilimo yako mipati.+
ה [He]
5 Banakwaamba zyabulemu bweebeka bwabupati bwako+Alimwi mebo ndinoozinzibala kuyeeya milimo yako iigambya.
ו [Waw]
6 Banakwaamba kujatikizya milimo* yako iiyoosya,Alimwi mebo ndinakwaambilizya bupati bwako.
ז [Zayin]
7 Banakwaambaula kabakkomene ciindi nobayeeya bubotu bwako butalivwulili,+Alimwi banakoongolola cakukondwa akaambo kabululami bwako.+
ח [Heth]
8 Jehova ngusilweetelelo* alimwi ngusiluse,+Ulamuka kukalala alimwi ulijisi luyando lutamani lupati.+
ט [Teth]
9 Jehova mubotu kuli boonse,+Alimwi luse lwakwe lulalibonya mumilimo yakwe yoonse.
י [Yod]
10 O Jehova, milimo yako yoonse inookulemeka,+Alimwi bantu bako basyomeka banookutembaula.+
כ [Kaph]
11 Banakwaambilizya bulemu bwabwami bwako+Alimwi akwaamba kujatikizya nguzu zyako,+
ל [Lamed]
12 Kutegwa bazyibye bantu milimo yako mipati+Alimwi abulemu bwabwami bwako bweebeka.+
מ [Mem]
13 Bwami bwako mbwami butamani,Alimwi bweendelezi bwako nkobuli kumazyalani oonse buyo.+
ס [Samekh]
14 Jehova ulabajatilila boonse aabo bayanda kuwa+Alimwi ulababusya boonse aabo bavwunteme akaambo kakulemenwa.+
ע [Ayin]
15 Meso aabo boonse alanga kulinduwe kabajisi bulangizi;Yebo ulabapa cakulya cabo kuciindi ceelede.+
פ [Pe]
16 Yebo ulavwungulula janza lyakoAkukkutya cilenge coonse cipona kwiinda mukucipa ncociyanda.+
צ [Tsade]
17 Jehova uliluleme munzila zyakwe zyoonse+Alimwi ulasyomeka muzintu zyoonse nzyacita.+
ק [Qoph]
18 Jehova ulaafwaafwi abaabo boonse bamwiita,+Aabo boonse bamwiita mukasimpe.*+
ר [Resh]
19 Aabo bamuyoowa ulabapa nzyobayanda;+Ulamvwa nobakwiilila lugwasyo, alimwi ulabavwuna.+
ש [Shin]
20 Jehova ulabalinda boonse aabo bamuyanda,+Pele babi boonse uyoobanyonyoona.+
ת [Taw]
21 Mulomo wangu unakwaambilizya ntembauzyo zya Jehova;+Baumi boonse* abatembaule zina lyakwe lisalala lyoonse alyoonse mane kukabe kutamani.+
Bupanduluzi buyungizyidwe
^ Naa “nguzu.”
^ Naa “ngusilubomba.”
^ Naa “camoyo woonse.”
^ Mu Chihebrayo, “Zilenge zyoonse zijisi mubili wanyama.”
