Tusimpi 21:1-31
21 Moyo wamwami uli mbuli tulonga twamaanzi mujanza lya Jehova.+
Ulaunyona kufwumbwa nkwayanda kuti utozye.+
2 Inzila zyoonse zyamuntu zilibonya kuti zililuzi kulinguwe,+Pele Jehova ulalingula myoyo.*+
3 Ikucita cintu ciluzi alimwi cilulemeKulamukkomanisya kapati Jehova kwiinda cipaizyo.+
4 Meso aalisumpula amoyo uulimvwa,Ilambe lisololela bantu babi, ncibi.+
5 Makanze aabankutwe masimpe apa kuzwidilila,*+Pele bantu boonse baingana kucita zintu ncobeni balacetaala.+
6 Ikujana lubono kwiinda mukubelesya mulaka waamba zyakubejaKuli mbuli sikunku uuzimaana buyo, ikakole kajaya.*+
7 Bugwebenga bwabantu babi buyoobakukulula balo beni,+Nkaambo bakaka kucita cabululami.
8 Inzila yamuntu uulaamulandu ilipilingene,Pele milimo yamuntu uusalala ililuleme.+
9 Ncibotu kukkala kukkona lyaciluli caŋandaKwiinda kukkala muŋanda yomwe amukaintu uuyandisya kubwesyanya.*+
10 Muntu mubi ulombozya zintu zibyaabi;+Mweenzinyina tamufwidi luzyalo pe.+
11 Ciindi sikusampaula nasubulwa, muntu uutakwe luzyibo ulasongwaala,Awalo muntu musongo napegwa maano, ulaba aluzyibo.*+
12 Leza Uululeme ulalanga-langa ŋanda yabantu babi,Ulawisya bantu babi kutegwa banyonyoonwe.+
13 Kufwumbwa muntu uusinka kutwi kwakwe kuti atamvwi kulila kwamuntu uupengedeAwalo uyakwiita pele takavwiilwi pe.+
14 Cipego cakusisikizya cilesya kunyema,+Acalo cisinkamulomo cakusisikizya* cilesya bukali bupati.
15 Cilamukkomanisya mululami kucita bululami,+Pele cilayoosya kuli baabo bacita zibyaabi.
16 Muntu uuleya munzila yabupampuUyoolyookezya munkamu yabaabo bakazundwa alufwu.+
17 Muntu uuyandisya kusobana* uyoocetaala;+Ooyo uuyandisya waini amafwuta takavwubi pe.
18 Muntu mubi ncinunuzyo camululami,Alimwi silweeno nguuyoobwezyegwa muciindi cabalulami.+
19 Ncibotu kukkala munkandaKwiinda kukkala amukaintu uuyandisya kubwesyanya* alimwi uunyema-nyema buyo.+
20 Lubono luyandisi alimwi amafwuta zilajanika muŋanda yamusongo,+Pele mufwubafwuba ulazimana kuzinyonyoona.*+
21 Kufwumbwa uusungweede kutobela bululami aluyando lutamaniUyoojana buumi, bululami alimwi abulemu.+
22 Musongo ulakonzya kusotoka bwaanda bwamunzi* wabantu basinguzuAkunyonyoona cintu ciyumu ncobasyoma.+
23 Ooyo uubamba mulomo wakwe akujata mulaka wakweUlitantamuna kumapenzi.+
24 Sikwiingana uulisumpula alimwi sinkazi, mbwaitwaMuntu uuliinganya akucita zintu cabuyamba.+
25 Zintu nzyalombozya mutolo ziyoomujaya,Nkaambo ukaka kubelesya maanza aakwe.+
26 Buzuba boonse uluujisi kulombozya zintu zinji,Pele walo mululami ulapa, tali muunyu pe.+
27 Cipaizyo cababi cilasesemya.+Eelo kaka cilainda kuba boobo ikuti muntu wacipaizya kajisi makanze mabi!*
28 Kamboni uubeja uyooloba,+Pele muntu uuswiilila uyoozwidilila mubumboni mbwapa.*
29 Muntu mubi ulalanga cakunyansya,+Pele uululeme ngonguwe uuzwidilila mubukkale bwakwe.*+
30 Kunyina busongo naa bupampu noluba lulayo mukukazya Jehova.+
31 Ibbiza libambilidwe buzuba bwankondo,+Pele lufwutuko luzwa kuli Jehova.+
Bupanduluzi buyungizyidwe
^ Naa “makanze.”
^ Naa “aletela bubotu.”
^ Naa ambweni, “kuli baabo ibayandaula lufwu.”
^ Naa “uukatazya.”
^ Naa “ulizyi cakucita.”
^ Mu Chihebrayo, “cisinkamulomo cizwa acamba.”
^ Naa “kulikondelezya.”
^ Naa “uukatazya.”
^ Mu Chihebrayo, “ulazimena.”
^ Naa “kuzunda munzi.”
^ Naa “antoomwe abukkale buusya nsoni.”
^ Mu Chihebrayo, “unakwaambaula mane kukabe kutamani.”
^ Naa “uululamika nzila yakwe.”
