KUPONA BUUMI BWA BUNAKRISTO
Amubatambe Bantu Boonse Bali Mucilawo Canu ku Ciibalusyo!
Kutalikila mu February 27, tuyootamba bantu banji bali mucilawo cesu kutegwa tukacitile antoomwe ambabo Ciibalusyo calufwu lwa Kristo. Tuyoobikkila maano kubantu batondezya luyandisisyo kutegwa tubagwasye kwiiya Bbaibbele.
NZYOMUKONZYA KUCITA
AMWAABILE KAPEPA
“Tuyaabupa kapepa aaka kakumutamba kumuswaangano uuyandika kapati. Mu March 23, mamiliyoni aabantu nyika yoonse bayooswaangana kwiibaluka lufwu lwa Jesu Kristo alimwi akuyooswiilila makani aamu Bbaibbele aatabbadelelwi aajatikizya mbolutujakizya lufwu lwakwe. Kapepa aaka kalatondezya ciindi alimwi abusena muswaangano nkouyoocitilwa okuno. Twalomba kuti mukaboole ikuti kamucikonzya.”
Ikuti muntu watondezya luyandisisyo . . .
-
AMWAABILE NGAZI YAMULINDIZI
Amubambe ntalisyo yalweendo lwakupilukila.
-
AMUTONDEZYE KAVIDIYO KA CIIBALUSYO
Amubambe ntalisyo yalweendo lwakupilukila.
Mwaakupiluka, mulakonzya . . .
-
KUTONDEZYA KAVIDIYO KAKUTI NKAAMBO NZI NCOMWEELEDE KWIIYA BBAIBBELE?
Mpoonya amwaabile bbuku libelesyegwa kwiiya Bbaibbele.
-
KWAABILA BBUKU LYAKUTI INO NCINZI CINI BBAIBBELE NCOLIYIISYA?
Amubandike makani aambi aajatikizya Ciibalusyo aali apeeji 206-208. Mpoonya amwaabile bbuku.
-
AMWAABILE BROSHUWA YAKUTI AMUMUSWIILILE LEZA
Amubandike lufwu lwa Kristo mbolumujatikizya kubelesya peeji 18-19. Mpoonya amwaabile broshuwa.
