Ngu Jehova uupa kuti mbuto yakasimpe ikomene mumoyo wamuntu. (1Kor. 3:6-9) Aboobo, kutegwa tuzwidilile mumulimo wamumuunda, tweelede kusyoma Jehova kutegwa atugwasye alimwi akugwasya baabo mbotwiiya limwi Bbaibbele.

Amumulombe Jehova kuti abagwasye aabo mbomwiiya limwi Bbaibbele kuliyumya mubukkale bukatazya alimwi akwaazunda masunko. (Flp. 1:9, 10) Amumulombe cacigaminina. Amupailile muuya uusalala kutegwa kausololela nzyomuyeeya alimwi anzyomucita. (Lk. 11:13) Amubayiisye bantu mbomwiiya limwi Bbaibbele mbokupailwa, alimwi akubakulwaizya kunoocita oobo. Amupaile ambabo alimwi akubapailila. Nomucita oobo, kamulyaamba zina lyabo.

AMWEEBELELE KAVIDIYO KAKUTI AMUJANE LUKKOMANO LUBOOLA AKAAMBO KAKUGWASYA BANTU KUBA BASIKWIIYA​—AMULUZUMINE LUGWASYO LWA JEHOVA​—MUPAILO, MPOONYA MWIINGULE MIBUZYO IITOBELA:

• Ino mbuyumuyumu nzi mbwaajana Neeta nobali kwiiya a Jade?

• Mbuti lugwalo lwa 1 Bakorinto 3:6 mbolwamugwasya Neeta?

• Ino buyumuyumu bwa Neeta bwamana buti?