Ibbaibbele talyaambi buyo makani aamasimpe aakacitika kaindi, pele lilaamba azyiya kucitika kumpela. Bantu tabakonzyi kwaamba zyakumpela pe. Nkakaambo kaako ncotuzyi kuti Ibbaibbele lizwa kuli Leza. Ino Bbaibbele lyaamba nzi zyakumpela?

Lilaamba zyankondo mpati ya Leza. Munkondo eeyi, Leza uya kugusya bubi boonse munyika alimwi abantu babi, pele aabo bamubelekela uya kubacingilila. Mu Bwami bwa Leza, Jesu Kristo, uya kubona kwaamba kuti bantu ba Leza bakkala muluumuno cakukkomana alimwi tabakaciswi kabili nikuba kufwa.

Tulakonzya kukkomana kuti Leza uya kubamba paladaiso mpya anyika, hena taakkomanisyi makani aaya? Pele tweelede kucita cimwi cintu ikuti katuyanda kwaakukkala mupaladaiso eeyi. Mumakani aamamanino aamubbuku eeli, tulaiya ncotweelede kucita ikuti katuyanda kwaakubotelwa azintu zitaliboteli Leza nzyabambide baabo bamubelekela. Aboobo bala CIBEELA 8 ubone Bbaibbele ncolyaamba kuzintu zili kumpela.