Makani Aantalisyo Aacibeela 8
Jehova wakalongezya Solomoni kwiinda mukumupa busongo alimwi akumupa coolwe cakuyaka tempele, pele mukuya kwaciindi Solomoni wakamusiya Jehova. Ikuti kamuli bazyali, amumupandulwide mwanaanu bakombi bakubeja mbobakapa kuti Solomoni amusiye Leza. Bwami bwakaandaana, alimwi bami babi bakapa kuti cisi cileye akutalika kukomba mituni. Muciindi eeci, basinsimi ba Jehova banji basyomeka bakapenzyegwa akujaigwa. Mwami mwanakazi Jezebeli wakapa kuti bwami bwakunyika buzumanane kuleya. Cakali ciindi camudima kubana Israyeli. Pele kwakacili babelesi ba Jehova banji basyomeka akati kabana Israyeli, kubikkilizya a Mwami Jehosafati alimwi amusinsimi Elija.
MUCIBEELA EECI
Tempele lya Jehova
Leza wakumvwa kulomba kwa Mwami Solomoni, mpoonya wamupa zyoolwe zinji.
Bwami Bwaandaana
Bana Israyeli banji bacileka kubelekela Jehova.
Musunko a Cilundu ca Karimeli
Ino Leza mwini-mwini nguni? Jehova naa Baala?
Jehova Wakamuyumya Elija
Sena uyeeya kuti anduwe inga wakuyumya?
Mwana Wamukamufwu Wakabusyigwa
Maleele obilo acitika muŋanda yomwe!
Mwami Mukaintu Mubi Wasubulwa
Jezebeli wapanga bubambe bubyaabi bwakujaya Naboti kutegwa abweze muunda wakwe! Cibi cakwe alimwi akutalulama kwakwe wazibona Jehova Leza.
Jehova Wamugwasya Jehosafati
Mwami mubotu Jehosafati wapaila kuli Leza ciindi cisi ca Juda nocalwanwa abasinkondonyina.
