SINSIMUKA! No. 1 2018 | Mbomukonzya Kujana Lukkomano
INO NKOOKULI NKOTUKONZYA KUJANA BUSOLOZI BUGWASYA KUPONA BUUMI BUKKOMANISYA?
Bbaibbele lyaamba kuti: “Balikkomene aabo batakwe kampenda mubuumi bwabo.”—Intembauzyo 119:1.
Eezyi zibalo izili 7 zilapandulula njiisyo zisyomeka alimwi zigwasya kujana lukkomano.
Kujana Nzila
Sena mulimvwa kuti muli bantu bakkomene? Ino ncinzi cikonzya kupa kuti muntu akkomane?
Kukkutila Akuba Baabi
Bantu banji bayeeya kuti lukkomano alimwi akuzwidilila zilaboola akaambo kakuvwula kwazintu nzyobajisi naa lubono. Sena mali alimwi azintu zilakonzya kuleta lukkomano lwini-lwini? Ino bumboni butondezya nzi?
Kupona Buumi Buli Kabotu Akuzilanga Kabotu Zintu
Kuti muntu kaciswa-ciswa, sena eeco caamba kuti takonzyi kukkomana mubuumi?
Luyando
Kutondezya luyando alimwi akutondezyegwa luyando kulayandika kapati kutegwa muntu abe alukkomano.
Kulekelela
Kunyema-nyema alimwi akubikkilila takupi kukkomana naa kupona buumi buli kabotu.
Kuzyiba Ncotuponena
Kujana bwiinguzi bupa kukkutila kumibuzyo iiyandika kapati mubuumi kulayandika kapati kutegwa tube alukkomano.
Bulangizi
Bantu banji cilabakatazya kukkomana ikuti kabatazyi mbobuyakuba buumi bwabo kumbele alimwi abwabayandwa babo.
Amwiiye Zinji Kujatikizya Mbomukonzya Kujana Lukkomano
Kuli twaambo tunji tukonzya kupa kuti muntu akkomane naa pe. Amwiiye kujatikizya bubambe ibutabbadelelwi ibukonzya kumugwasya kujana makani aayandika kapati mubuumi bwanu.
