MBOMUKONZYA KUCESYA KULIBILIKA KAPATI
Mulakonzya Kupona Buumi Bunyina Kulibilika
Busongo bwamu Bbaibbele bulakonzya kutugwasya kucesya kulibilika kapati. Swebo lwesu tatukonzyi kuzigwisya zintu zyoonse izitupa kulibilika. Pele Mulengi wesu ulakonzya kucita oobo. Mane buya wakasala muntu umwi kutegwa atugwasye. Muntu ooyo ngu Jesu Kristo. Ino-ino uyoocita zintu zibotu kapati munyika yoonse kwiinda nzyaakacita ciindi naakali kupona kali muntu anyika. Mucikozyanyo:
JESU UYOOBAPONYA BACISWA MBUBWENYA MBWAAKACITA KAINDI.
“Bakamuletela boonse aabo ibakali kupenga amalwazi alimwi azicisa ziindene-indene . . . , eelyo wakabaponya.”—MATAYO 4:24.
JESU UYOOPA KUTI CIKONZYEKE KUBANTU BOONSE KUBA AMAANDA ALIMWI AZYAKULYA
“Bayooyaka [balelwa ba Kristo] maanda akukkala mulingawo, bayoosyanga myuunda yamisaansa akulya micelo yanjiyo. Tabakayaki maanda kuti muntu uumbi akakkale nguwe mulingawo, alimwi tabakasyangi myuunda kuti muntu uumbi akalye nguwe micelo yanjiyo.”—ISAYA 65:21, 22.
BULELO BWA JESU BUYOOPA KUTI KUBE LUUMUNO ALIMWI AKULIIBA NYIKA YOONSE.
“Mumazuba aakwe balulami bayoozwidilila, alwalo luumuno luyoovwula kusikila mane mwezi utakabi limbi. Uyooba abalelwa kuzwa kulwizi lumwi kusikila kulwizi lumbi akuzwa ku Mulonga kusikila kumagolelo aanyika. . . . Alimwi basinkondonyina bayoolya bulongo.”—INTEMBAUZYO 72:7-9.
JESU UYOOKUMANA KUTALULAMA.
“Muntu uupengede alimwi amucete uyoobafwida lubomba, alimwi uyoofwutula buumi bwabacete. Uyoobavwuna kukudyaamininwa akunkondo.”—INTEMBAUZYO 72:13, 14.
JESU UYOOKUMANA NOKUBA KUPENGA ALIMWI ALUFWU.
“Lufwu talukabi limbi, akwalo koomoka, kulila nokuba kucisa takukabi limbi pe.”—CIYUBUNUZYO 21:4.
Andiza Inga Mwaakkomanina Ayaaya
MIBUZYO YAMU BBAIBBELE YAINGULWA
Ino Bwami bwa Leza Buyoocita Nzi?
Amwiiye zyintu nzyomukonzya kujana ciindi mfwulumende ya Leza noiyakulela nyika.
