KUBAZYALI
8: Cikozyanyo
NCOCAAMBA
Bazyali ibajisi cikozyanyo cibotu balapona kweelana azintu nzyobayiisya. Mucikozyanyo, inga tiimwalangila kuti mwanaanu kasyomeka ikuti wakamumvwa kamwaamba kuti: “Kobaambila kuti tandiko aŋanda,” ciindi nomutayandi kubandika amuntu umwi anze.
“Bazyali tabeelede kulangila kuti bana babo banoozicita zintu nzyobaamba ikuti balo kabataziciti. Bana bali mbuli cisani cinywida maanzi, balamvwa zyoonse nzyotwaamba akubona nzyotucita, alimwi balakonzya kuzyiba kuti cikozyanyo cesu taceendelani azintu nzyotusola kubayiisya.”—Ba David.
NJIISYO YAMU BBAIBBELE: “Yebo ookambauka kuti, ‘Utabbi,’ sena yebo ulabba?”—Baroma 2:21.
IKAAMBO NCOCIYANDIKA
Bana alimwi abakubusi balabamvwida kapati bazyali babo kwiinda mbobakonzya kumvwida muntu uumbi uuli woonse kubikkilizya abeenzinyina. Eeci caamba kuti nobazyali ndendinywe mukonzya kubasololela kabotu bana banu kweenda munzila iiluzi, lilikke kuti kamucita zintu nzyomubayiisya.
“Tulakonzya kwiinduluka kwaamba cintu cimwi ziindi zinji mpoonya akutalika kuzumbauzya naa mwaneesu ulaswiilila, pele ciindi comwe buyo twatacita nzyotwaamba, mwana ulakonzya kuzyiba. Bana balabikkila maano kuzintu zyoonse nzyotucita, nociba ciindi notuyeeya kuti tababikkilide maano.”—Ba Nicole.
NJIISYO YAMU BBAIBBELE: “Busongo buzwa kujulu . . . tabusalululi naa kuupaupa ameso.”—Jakobo 3:17.
NCOMUKONZYA KUCITA
Amuzilingule zyeelelo zyanu. Ino nzyakulikondelezya zili buti nzyomweebelela? Ino mumweendelezya buti muntu ngomukwetene limwi alimwi abana banu? Ino mujisi balongwe bali buti? Sena mulababikkila maano bamwi? Mubufwaafwi, sena mbomubede mbombubo mbomulombozya kuti bana banu bakabe mbubo?
“Mebo abalumi bangu tatukulwaizyi bana besu kutobela zyeelelo zyalo swebo nzyotutatobeli.”—Ba Christine.
Amulilekelele ciindi nomwalubizya. Bana banu balizyi kale kuti tamulondokede. Kwiinda mukwaamba kuti “amundijatile” ciindi nomwalubizya kumuntu ngomukwetene limwi alimwi akubana banu, nkokuti muyiisya ciiyo cibotu cakusyomeka alimwi akulicesya.
“Bana besu beelede kutumvwa kuzumina ciindi notwalubizya alimwi beelede kutumvwa katulilekelela akaambo kakulubizya kwesu. Ikuti tiitwacita oobo, tabakaiyi kuzumina kulubizya kwabo.”—Ba Robin.
“Mbotuli bazyali, tujisi coolwe cipati cakugwasya bana besu, alimwi cikozyanyo cesu ncecibelesyo ciyandika kapati ncotujisi nkaambo lyoonse balacibona. Cili mbuli kuyiisyigwa ciindi coonse kwiinda mukubona buumi mbobapona bazyali.”—Ba Wendell.
Andiza Inga Mwaakkomanina Ayaaya
NGAZI YAMULINDIZI
Kukomezya Bana Babikkila Maano Kuzyintu
NGAZI YAMULINDIZI
Ino Inga Mwaba Buti Muzyali Uuli Kabotu?
Mbuti mbomukonzya kukomezya bana babikkila maano?
