Bakaliyumya “Ciindi Camasunko”
MAKANI EESU AAKAINDI
Bakaliyumya “Ciindi Camasunko”
MU Nkondo Yanyika Yakusaanguna bantu banji bakazyiba kuti Basikwiiya Bbaibbele tiibakali kutola lubazu munkondo. (Is. 2:2-4; Joh. 18:36; Ef. 6:12) Ncinzi cakacitika kubabelesi ba Leza ku Britain?
Mu 1916 mulawo wakabikkwa ku Britain iwakali kwaamba kuti bamaalumi batakwete, ibakajisi myaka yakuzyalwa iili akati ka 18 a 40, bakeelede kuya kunkondo. Mulawo ooyu wakalijisi bubambe bwakutabikkilizya baabo ibatakali kuyanda kuunka kunkondo akaambo kazyintu “nzyobasyoma mubukombi.” Mfwulumende yakatalisya nkuta izyakali kubona kuti naa mbaani beelela kutaunka kunkondo.
Muciindi buyo cisyoonto, Basikwiiya Bbaibbele bali 40 bakaangwa muntolongo zyabasikalumamba alimwi bali 8 bakatumwa kunkondo ku France. Akaambo kakucitilwa cakutalulama, bakwesu ku Britain bakalemba lugwalo kuli ba Prime Minister, ba Herbert Asquith, kutongooka akaambo kakwaangwa kwabakwesu alimwi bakabikkilizya acipepa cakasainwa abantu bali 5,500.
Nokwakainda ciindi, bakwesu bakatambula mulumbe wakuti ibakwesu bali lusele ibakatumwa kunkondo ku France bakali kuyakujaigwa kwiinda mukudubulwa akaambo kakukaka kutola lubazu munkondo. Pele ciindi ibakwesu nobakali kulindila kudubulwa, cisubulo cabo cakacincwa, bakaangwa myaka iili 10 muntolongo. Bakabapilusya ku England nkobakaakwaangwa muntolongo zitali zyabasikalumamba.
Mukuya kwaciindi, mulawo wakuya kunkondo wakatalika kubikkilizya abamaalumi bakwete. Iwakali wakusaanguna kupegwa mulandu wakutatobela mulawo ooyu akubetekwa ku Manchester, mu England, bakali ba Henry Hudson, dokota alimwi Sikwiiya Bbaibbele. Mu August 3, 1916, nkuta yakaakosola makani akwaamba kuti mukwesu wakatyola mulawo, yakamubbadelesya, alimwi akwaabwa mumaanza aabasikalumamba. Aciindi nciconya eeco, mulandu uumwi uukozyenye wakali kubetekwa ku Edinburgh, mu Scotland. Ba James Frederick Scott, bapainiya ibakajisi myaka iili 25 yakuzyalwa, tiibakajanwa amulandu pe. Mfwulumende yakacita apiilu mulandu ooyu, pele yakauleka akubikkila maano kumulandu uumbi uukozyenye iwakali ku London. Kuciindi eeci, mukwesu Herbert Kipps wakajanwa amulandu, wakabbadelesyegwa, alimwi akwaabwa mumaanza aabasikalumamba.
Kuzikusika mu September 1916, bakwesu basika ku 264, bakalilembede magwalo aakulomba kuti batatoli lubazu munkondo. Akati kabo, bosanwe bakazumizyigwa kutatola lubazu munkondo, bali 154 bakapegwa mulimo muyumu wakubelekela mfwulumende, bali 23 bakapegwa milimo iyatakali kuyandika kulwana, bali 82 bakaabwa mumaanza aabasikalumamba, alimwi bamwi akati kabo bakabetekwa akwaangwa. Bantu banji tiibakakkomana kubona bamaalumi aaba mbobakali kupenzyegwa muntolongo, aboobo mfwulumende yakabagwisya muntolongo zyabasikalumamba akubatola muzilabba mobakali kubeleka milimo iitali yabusikalumamba.
Ba Edgar Clay aba Pryce Hughes, mukuya kwaciindi ibakazikubeleka kabali mulangizi wamutabi ku Britain, bakali kubelekela ku Wales kuyaka damu. Kulubazu lumwi, ba Herbert Senior, umwi wabaabo bali lusele ibakapilusyigwa kuzwa ku France, bakatumwa ku Ntolongo yaku Wakefield, mu Yorkshire. Bamwi bakatolwa ku Ntolongo yaku Dartmoor nkobakali kubeleka milimo miyumu, kuntolongo eeyi nkokwakali nkamu mpati yabaabo bakakaka kuunka kunkondo.
Ba Frank Platt, Sikwiiya Bbaibbele iwakazumina kubeleka milimo iitajatikizyi kulwana, bakapenzyegwa kapati kwaciindi cilamfwu nobakatumwa kunkondo. Ba Atkinson Padgett, ibakaiya kasimpe nobakamana kulilembya kuya kunkondo, abalo bakapenzyegwa kapati abapati babasikalumamba akaambo kakutatola lubazu mukulwana.
Nokuba kuti bakwesu kuciindi eeco tiibakali kumvwisya cakumaninina ncocakali kubikkilizya kutatola lubazu mutwaambo twacisi, bakali kuyanda kukkomanisya Jehova Leza. Aabo ibaambidwe mazyina mucibalo eeci bakapa citondezyo cibotu cakutatola lubazu mutwaambo twacisi “ciindi camasunko.” (Ciy. 3:10)—Kuzwa kumakani eesu aakaindi ku Britain.
[Cifwanikiso icili apeeji 31]
Ba Henry Hudson
[Cifwanikiso icili apeeji 31]
Ba James Frederick Scott
[Cifwanikiso icili apeeji 31]
Ba Pryce Hughes
[Cifwanikiso icili apeeji 32]
Ntolongo yaku Dartmoor, kwalo Basikwiiya Bbaibbele banji nkobakaangidwe
[Cifwanikiso icili apeeji 32]
Ba Herbert Senior
[Cifwanikiso icili apeeji 32]
Ba Frank Platt
Andiza Inga Mwaakkomanina Ayaaya
MIBUZYO IIVWULA KUBUZYIGWA
Nkaambo Nzi Bakamboni ba Jehova Ncobatatoli Lubazu Mutwaambo Twacisi?
Sena baleta manyongwe mucisi?
NGAZI YAMULINDIZI—YAKWIIYA
Mbozyakasyangwa Mbuto zya Bwami Zyakusaanguna ku Portugal
Mbuyumuyumu nzi mbobakajisi basikumwaya ba Bwami bakaindi ku Portugal?
NGAZI YAMULINDIZI—YAKWIIYA
Makani Aabuleya Akamwaya Makani Mabotu mu Ireland
Ino ncinzi cakapa C. T. Russell kuti asyome kuti masena aayo wakali muunda “iwakayumide kale kuti utebulwe?”
NGAZI YAMULINDIZI—YAKWIIYA
“Ino Ndilili Notuyooba Amuswaangano Uumbi Alimwi?”
Ncinzi cakapa kuti muswaangano wacooko iwakacitilwa mudolopo lya Mexico, mu 1932, ube muswaangano uulibedelede kapati?
NGAZI YAMULINDIZI—YAKWIIYA
‘Twakaba Basungu Alimwi Twakazula Luyando Mumyoyo Yesu Kwiinda Kaindi’
Nowakamana muswaangano wabo mu 1922, mbuti Basikwiiya Bbaibbele mbobakalutobela lulayo ‘lwakwaambilizya Mwami a Bwami bwakwe’?
NGAZI YAMULINDIZI—YAKWIIYA
“Kunyina Nzila Mbi Alimwi Kunyina Nzila Ndamfwu”
Kumamanino amyaka yakuma 1920 alimwi akumatalikilo kwamyaka yakuma 1930, bapainiya basungu bakatondezya luyandisisyo lwabo lwakutola makani mabotu aa Bwami kuminzi yaku Australia iili kulamfwu kapati.
