Mukwesu Mupya mu Kabunga Keendelezya

Muli Bwatatu mafwumofwumo, mu September 5, 2012, kwakali cakwaambilizya kumukwasyi wa Bbeteli waku United States awaku Canada cakuti: Kutalikila mu September 1, 2012, mukwesu Mark Sanderson wakatalika kubeleka kali umwi wamu Kabunga Keendelezya.

Mukwesu Sanderson wakakomezyegwa abazyali Banakristo mu San Diego, California, mu U.S.A., alimwi wakabbapatizyigwa mu February 9, 1975. Wakatalika kubeleka kali mupainiya mu September 1, 1983, mu Saskatchewan ku Canada. Mu December 1990, wakamanizya Cikolo Cakwiiya Mulimo (mazuba aano iciitwa kuti Cikolo Cakwiiya Bbaibbele ca Bakwesu Batakwete) mukkilasi yanamba 7 ku United States. Mu April 1991, Mukwesu Sanderson wakasalwa kuba mupainiya waalubazu, mpoonya wakatumwa kuyakubelekela kunsumbu ya Newfoundland ku Canada. Naakamana kubeleka kali mulangizi wabbazu uugwasyilizya, mu February 1997, wakatambwa kuyakubelekela ku Bbeteli ku Canada. Kumane mu November 2000, bakamucinca wakaakubelekela kumutabi waku United States mudipatimenti ya Hospital Information Services, nokwakainda ciindi wakabeleka alimwi mu Dipatimenti Yamulimo.

Mu September 2008, Mukwesu Sanderson wakajanika ku Cikolo ca Bamukkomiti ya Mutabi, kumane wakatumwa kuyakubeleka kali umwi wamu Kkomiti Yamutabi ku Philippines. Mpoonya mu September 2010, wakalombwa kuti apiluke ku United States, kwalo nkwaakaakubeleka kali mugwasyilizyi mu Kkomiti Yamulimo ya Kabunga Keendelezya.

[Kabbokesi kali apeeji 26]

Ibamu Kabunga Keendelezya Baliko Lino

Kusyule, kuzwa kulumwensyi kuya kululyo: D. H. Splane, A. Morris III, D. M. Sanderson, G. W. Jackson, M. S. Lett. Kumbele, kuzwa kulumwensyi kuya kululyo: S. F. Herd, G. Lösch, G. H. Pierce. Bamu Kabunga Keendelezya boonse Mbanakristo bananike.