Sena Bugwebenga Kuli Nobuyoomana?
Ciindi zigwebenga nozyamana kulwana bantu, mulakonzya kulibuzya kuti: ‘Mwati Leza ulatulanganya? Nkaambo nzi zintu zili boobu ncozicitika? Sena bugwebenga a kuli nobuyoomana? Mbuti mbondikonzya kupona abuyoofwu mbondijisi?’ Bbaibbele lilapa bwiinguzi bukkazika moyo kumibuzyo yoonse eeyi.
Ino Leza ulimvwa buti kujatikizya bugwebenga?
Leza ulaisulaika nkondo alimwi abugwebenga. (Intembauzyo 11:5; Tusimpi 6:16,) Alimwi Jesu, mwiiminizi wa Leza, wakabakalalila basikwiiya bakwe nobakalwana basinkondonyina. (Matayo 26:50-52) Nokuba kuti bamwi balitaminina kulwana beenzinyina muzina lya Leza, walo taizumizyi micito yabo pe. Alimwi buya, taiswiilili amipailo yabo.—Isaya 1:15.
Leza ulababikkila maano aabo boonse bapengede, kubikkilizya abaabo bakalwanwa azigwebenga. (Intembauzyo 31:7; 1 Petro 5:7) Bbaibbele alimwi litondezya kuti uyoobweza ntaamu yakwiimana nkondo cakumaninina.—Isaya 60:18.
Cipa kuti kakuli bugwebenga
Bbaibbele lilayubununa cipa kuti kakuli bugwebenga: ‘Muntu weendelezya muntunyina munzila iimuletela mapenzi.’ (Mukambausi 8:9) Kuzwa kaindi, bantu balaanguzu balikubelesya bugwebenga kudyaaminina bamwi. Akaambo kaceeci, aabo ibakali kudyaamininwa, abalo baba zigwebenga.—Mukambausi 7:7.
Mamanino aabugwebenga
Leza wakasyomezya kumana buyoofwu ankondo. Alimwi akuleta luumuno anyika. (Isaya 32:18; Mika 4:3, 4)
Uyoogwisya zintu zipa kuti kakuli bugwebenga. Leza uyoogwisya mfwulumende zyabantu akuleta mfwulumende yakwe inakweendelezya nyika yoonse. Mweendelezi wamfwulumende eeyi, Jesu Kristo, uyoobeendelezya kabotu bantu boonse, alimwi akugusya kudyaamininwa ankondo. (Intembauzyo 72:2, 14) Aciindi eeco, taakwe muntu uyooba cigwebenga. Bantu “bayoobotelwa kapati muluumuno lunji.”—Intembauzyo 37:10, 11.
Uyakwaamanizya mapenzi oonse aaboola akaambo kabugwebenga. Leza uyoobaponya bantu boonse bajatikizyidwe amapenzi aaboola akaambo kabugwebenga, kube kumubili naa mumizeezo. (Isaya 65:17; Ciyubunuzyo 21:3, 4) Alimwi buya wasyomezya kuyoobabusya bafwide, akupa kuti bakapone alimwi anyika iizwide luumuno.—Johane 5:28, 29.
Bbaibbele lilaamba twaambo tumvwika tutupa kusyoma kuti ino-ino Leza uyoobweza ntaamu. Nokuba boobo, ambweni mulakonzya kulibuzya kuti, ‘Nkaambo nzi Leza ncatabugwisyili bugwebenga?’ Kutegwa mujane bwiinguzi, amweebelele kavidiyo kakuti Nkaambo Nzi Leza Ncalekelede Kupenga?
a Ibbala lya “bugwebenga” kanji-kanji lyaamba kukonga kulwana naa kubalwana buya bantu buyo batakwe amulandu kutegwa bayoowe alimwi akupa kuti kube kucinca mumakani aamwi aajatikizya mapolitikisi, bukombi naa bukkale bumbi buyo. Nokuba boobo, bantu balakonzya kwiimpana mbobabona micito imwi ikuti mbugwebenga naa pe.
Andiza Inga Mwaakkomanina Ayaaya
TWAAMBO TUMWI
Mbomukonzya Kulwana Kulibilika
Ino mizeezo nzi iikonzya kumugwasya kucesya kulibilika? Alimwi ntupango nzi twamu Bbaibbele tukonzya kumugwasya kucesya kulibika?
TWAAMBO TUMWI
Bulangizi Bwini-bwini Bwabuumi Bubotu Kumbele
Ino nkaambo nzi zisyomezyo izijanika mu Bbaibbele ncoziindene kapati azisyomezyo naa businsimi bwabantu?
MIBUZYO YAMU BBAIBBELE YAINGULWA
Ino Bwami bwa Leza Ninzi?
Amulange-lange kaambo ncobusumpukide Bwami bwa Leza kwiinda mfwulumende zimbi zyoonse.
NGAZI YAMULINDIZI
Ino Ncinzi Ncobuyoocita Bwami bwa Leza?
Jesu wakalizyi kuti Bwami bwa Leza mbombubo bolikke bukonzya kumanizya mapenzi aali anyika. Ino ncinzi ncobwacita kale Bwami oobu icitupa kuba alusyomo?
TWAAMBO TUMWI
Sena Kuli Nokuyooba Bululami Munyika?
Bbaibbele litondezya kuti bululami bwini-bwini buzwa kuli Leza, walo uubona buumi bwamuntu uuli woonse kuti bulayandika.
NJIISYO ZYAMU BBAIBBELE ZIYANDIKA
Nkaambo Nzi Leza Ncalekelede Kupenga?
Bbaibbele lilapa bwiinguzi bukkazika moyo alimwi buumbulizya.
