Aisaia 15:1-9
-
Strongpela tokaut long samting bai painim Moap (1-9)
15 Dispela em wanpela strongpela tokaut long samting bai painim Moap:+
Ar+ bilong Moap i no gat nois moa,Long wanem, em i bagarap pinis insait long wanpela nait tasol.
Kir+ bilong Moap i no gat nois moa,Long wanem, em i bagarap pinis insait long wanpela nait tasol.
2 Ol manmeri i go pinis long Tempel* na long Dibon,+Long ol ples antap* bilong lotu na krai.
Moap i krai bikpela long Nebo+ na Medeba.+
Ol i sevim olgeta het i kamap kela+ na katim olgeta mausgras.+
3 Long ol strit bilong en, ol manmeri i werim klos bilong sori.
Antap long ol rup na long ol ples bung, olgeta i krai bikpela;Ol i krai na i go daun.+
4 Hesbon na Eleale+ i singaut na krai;Ol man i stap longwe long Jahas+ inap harim nek bilong ol.
Olsem na ol soldia bilong Moap i wok long singaut.
Dispela kantri i pret na guria.
5 Long bel mi krai nogut tru long Moap.
Ol ranaweman bilong en i bin ranawe i go longwe olsem long Soar+ na Eklat-selisia.+
Long rot i go antap long Luhit, ol i krai na go antap;Na long rot i go long Horonaim, ol i krai bikpela long dispela bikpela bagarap i kamap.+
6 Long wanem, ol wara bilong Nimrim i drai olgeta;Ol grinpela gras i drai pinis,Ol gras i no stap moa na olgeta samting i drai.
7 Olsem na ol i kisim ol mani kago na ol samting bilong ol we i stap yet na karim i go;Ol i wokabaut i go brukim veli* bilong ol diwai popla.
8 Long wanem, saun bilong krai bilong ol i go long olgeta hap bilong Moap.+
Saun bilong bikpela krai bilong ol i go kamap long Eklaim;Saun bilong bikpela krai bilong ol i go kamap long Ber-elim.
9 Long wanem, ol wara bilong Dimon i pulap long blut,Na i gat planti samting moa mi laik mekim long Dimon:
Wanpela laion bilong bagarapim ol manmeri bilong Moap husat i bin ranaweNa bilong bagarapim ol manmeri i stap yet long hap.+
