Buk Song 103:1-22
Singsing bilong Devit.
103 Mi mas preisim Jehova.
Na olgeta samting insait long mi i mas preisim nem holi bilong em.
2 Mi mas preisim Jehova;Na mi no ken lusim tingting long olgeta samting em i bin mekim.+
3 Em i save lusim olgeta sin bilong mi.+
Na em i save pinisim olgeta pen na hevi bilong mi;+
4 Em i save kisim bek laip bilong mi long matmat.*+
Na em i save marimari na soim gutpela pasin laikim* long mi.+
5 Olgeta taim mi stap laip, em i save givim mi ol gutpela samting na em i save inapim mi tru,+Na mi stap yangpela na stap strong olsem tarangau.+
6 Jehova i save mekim stretpela pasin+ na stretpela kotBilong helpim ol man em ol arapela i mekim nogut long ol.+
7 Em i tokim Moses long ol samting em i laik mekim,+Na em i soim ol wok bilong em long ol manmeri bilong Israel.+
8 Jehova i gat pasin marimari na pasin sori,*+Na em i no save belhat kwik na i pulap tru long gutpela pasin laikim.*+
9 Em i no save tingim rong bilong yumi oltaim,+Na kros bilong em i no save stap longpela taim.+
10 I stret em i mekim save long yumi long ol sin bilong yumi, tasol em i no save mekim olsem,+Na em inap bekim pe i stret long ol rong bilong yumi, tasol em i no save mekim.+
11 Gutpela pasin laikim* bilong em long ol manmeri i save pret long em i bikpela tru,+Olsem heven i stap antap tru long graun.
12 Hap bilong sankamap i stap longwe tru long hap bilong san i go daun,Olsem tasol em i save rausim ol sin bilong yumi i go longwe tru long yumi.+
13 Papa i save soim pasin marimari long ol pikinini man bilong em,Olsem tasol Jehova i save soim pasin marimari long ol man i pret long em.+
14 Em i save gut tru long olsem wanem em i bin wokim yumi,+Na em i tingim yumi i olsem das tasol.+
15 Laip bilong ol man i sotpela tru olsem gras i save stap sotpela taim;+Em i stap sotpela taim olsem plaua i stap sotpela taim na i pinis.+
16 Tasol taim win i kamap na i meknaisim plaua, em i pundaun na i no stap moa,I olsem em i no bin kamap long dispela hap.*
17 Tasol gutpela pasin laikim* bilong Jehova i save stap oltaim oltaimNa em i save soim long ol man i pret long em,+Na em i save mekim stretpela pasin long ol pikinini bilong ol na long ol pikinini bilong ol i kamap bihain,+
18 Em i save soim dispela pasin long ol man i bihainim kontrak bilong em+Na ol man i bihainim gut ol tok bilong em.
19 Jehova i mekim sia king bilong em i stap strong long heven;+Na em i bosim olgeta samting.+
20 Yupela olgeta ensel bilong em+ i gat bikpela strong,Na yupela i save bihainim tok bilong em,*+ na mekim ol samting em i tok long en, yupela i mas litimapim nem bilong Jehova.
21 Litimapim nem bilong Jehova, yupela olgeta ami bilong em,+Yupela ol wokman bilong em i save bihainim laik bilong em.+
22 Yupela olgeta samting em i bin wokimI stap long olgeta hap em i bosim, yupela i mas litimapim nem bilong Jehova.
Mi bai preisim Jehova.
Ol Futnot
^ Hib., “hul.”
^ O, “gutpela pasin.”
^ Hib., “Na ples bilong em i no moa save long em.”
^ Hib., “harim nek bilong tok bilong em.”
