Buk Song 130:1-8
Singsing Bilong Ol Man i Go Antap Long Taun.
130 O Jehova, bel bilong mi i hevi tumas na mi singaut long yu.+
2 O Jehova, harim krai bilong mi.
Mi laik bai yu putim yau long singaut bilong mi long kisim helpim.
3 O Ja,* sapos yu save putim was long* olgeta sin bilong mipela,Orait, Jehova, husat inap winim kot bilong yu?+
4 Tru tumas, yu save lusim ol sin bilong ol manmeri,+Olsem na mipela i mas rispektim* yu.+
5 Mi bilip strong long Jehova, yes, long bel na tingting olgeta bilong mi, mi bilip na wet long em;Mi bilip tru long tok promis bilong yu long helpim mi.
6 Mi wet long Jehova, na mi laikim tumas long mekim olsem,+Dispela i winim laik bilong man bilong was i wet long moning i kamap,+Yes, dispela i winim laik bilong man bilong was i wet long tulait i kamap.
7 Ol Israel i mas wet long Jehova,Long wanem, Jehova i gat pasin laikim na oltaim em i save mekim dispela pasin,+Na em i gat bikpela strong bilong kisim bek* ol.
8 Em bai kisim bek* ol Israel long olgeta sin bilong ol.
Ol Futnot
^ “Ja” em sotpela wei bilong kolim nem Jehova.
^ O, “kaunim.”
^ Hib., “pret long.”
^ Hib., “baim bek.”
^ Hib., “baim bek.”
