Buk Song 135:1-21
135 Preisim Ja!*
Yes, preisim nem bilong Jehova.
Yupela ol wokman bilong Jehova, preisim em.+
2 Yupela i save sanap insait long haus bilong Jehova,Long ples bung insait long banis bilong haus bilong God bilong yumi.+
3 Preisim Ja, long wanem, Jehova em i gutpela.+
Yupela i mas singim ol song bilong preisim* nem bilong em, long wanem, dispela em i gutpela.
4 Ja i bin makim Jekop bilong em yet,Olsem na ol Israel ol i spesel lain bilong em.*+
5 Mi save olsem Jehova i gat biknem tru;Bikpela bilong yumi em i antap moa winim olgeta arapela god.+
6 Wanem wanem samting Jehova i laik mekim, em i save mekim tasol+Long heven, na long graun, na insait long solwara, na long as bilong solwara.
7 Em i save mekim ol klaut* i kamap long olgeta hap bilong graun;Em i save mekim laitning i kam wantaim ren;Na em i save mekim win i lusim ol bakstua bilong em na i go.+
8 Em i bin kilim i dai ol fesbon bilong ol Isip,Em ol pikinini bilong ol man na ol pikinini bilong ol animal.+
9 Em i wokim olkain mirakel long Isip+Bilong mekim save long Fero* na ol wokman bilong em.+
10 Em i bagarapim planti kantri+Na kilim i dai ol strongpela king+
11 Em i kilim i dai Sihon, king bilong ol Amor,+Na Ok, king bilong Basan,+Na olgeta king bilong Kenan.
12 Em i givim graun bilong ol i go long ol manmeri bilong em,Yes, em i givim long ol Israel, em ol manmeri bilong em.+
13 Jehova, nem bilong yu i save stap oltaim.
Jehova, olgeta lain i kamap bihain, ol tu bai i save long biknem* bilong yu.+
14 Jehova bai sambai long* ol manmeri bilong em,+Na em bai sori long ol wokman bilong em.+
15 Ol arapela kantri i bin wokim ol imis bilong ol long gol na silva,Em ol man tasol i bin wokim.+
16 Ol i gat maus, tasol ol i no inap toktok;+Ol i gat ai, tasol ol i no inap lukluk;
17 Ol i gat yau, tasol ol i no inap harim toktok.
Ol i no inap pulim win long nus bilong ol.+
18 Ol manmeri i wokim ol, ol i ken kamap wankain olsem ol dispela imis.+
Na ol manmeri i save bilip long ol, ol tu i ken kamap wankain olsem ol.+
19 Yupela ol manmeri bilong Israel, litimapim nem bilong Jehova.
Yupela lain bilong Aron, litimapim nem bilong Jehova.
20 Yupela ol lain bilong Livai, litimapim nem bilong Jehova.+
Yupela ol man i pret long Jehova, litimapim nem bilong Jehova.
21 Yupela ol manmeri i stap long Saion, yupela i mas litimapim nem bilong Jehova,+Em Man i stap long Jerusalem.+
Preisim Ja!+
Ol Futnot
^ O, “Haleluya.” “Ya” o “Ja” em sotpela wei bilong kolim nem Jehova.
^ O, “mekim musik long.”
^ O, “lain manmeri i dia tumas long em.”
^ O, “veipa.”
^ O, “nem.”
^ O, “sapotim sait bilong.”
