Buk Song 40:1-17
Tok i go long dairekta. Devit i raitim dispela song.
40 Mi bilip strong na wet* long Jehova,Na em i putim yau long* singaut bilong mi na harim singaut bilong mi long kisim helpim.+
2 Em i kisim mi long wanpela hul i gat wara i ron strong na bringim mi i kam antap,Na mi pas long graun malumalum na em i kamautim mi.
Na em i putim mi antap long ston;Em i mekim mi wokabaut gut long graun.
3 Na em i putim wanpela nupela song long maus bilong mi,+Em wanpela song bilong litimapim nem bilong God bilong yumi.
Planti man bai lukim ol samting God i mekim na ol bai kirap nogutNa ol bai trastim Jehova.
4 Man i save bilip long Jehova, em i ken amamasEm i no save bihainim ol man bilong bikhet na ol man bilong bihainim pasin giaman.
5 Jehova, God bilong mi,Yu bin mekim planti samting.
I no gat wanpela i olsem yu;+Yu bin mekim planti gutpela wok, na tingting bilong yu long ol samting yu laik mekim long mipela, i moa moa yet.+
Sapos mi autim long ol arapela na tokim ol long en,Man! Ol i planti tumas na mi no inap kaunim.+
6 Yu no laikim ol sakrifais na ofa,+Tasol yu opim yau bilong mi long harim tok.+
Yu no laikim ol ofa bilong paia i kukim olgeta na ol ofa bilong tekewe sin.+
7 Orait mi tok: “Harim! Mi kam pinis.
Long wanpela hap bilong skrol* ol i raitim tok i stori long mi.+
8 God bilong mi, mi amamas* long mekim laik bilong yu,+Na lo bilong yu i stap long bel bilong mi.+
9 Mi bin autim gutnius bilong stretpela pasin bilong yu long taim planti manmeri i bung.+
Jehova, yu save pinis,Mi no save pasim maus bilong mi.+
10 Mi no bin haitim stretpela pasin bilong yu long bel bilong mi.
Mi tokaut long pasin bilong yu long bihainim tok na pasin bilong yu long kisim bek ol man.
Yu save mekim gutpela pasin laikim* na yu save bihainim pasin i tru, na mi bai autim ol dispela pasin long ol manmeri i bung.”+
11 Jehova, yu no ken pasim marimari bilong yu long mi.
Oltaim yu mas larim gutpela pasin laikim* bilong yu na pasin bilong yu long bihainim pasin i tru, i lukautim mi.+
12 Ol hevi i kamap long mi i planti tumas na mi no inap kaunim.+
Ol sin bilong mi i planti tru na i daunim mi stret, olsem na mi no inap lukluk gut long rot mi bihainim;+
Ol i planti moa yet winim namba bilong gras long het bilong mi,Na mi bel hevi tru.
13 O Jehova, plis yu mas amamas long kisim bek mi.+
O Jehova, kam hariap na helpim mi.+
14 Ol man i laik kilim mi i dai,Yu mas daunim ol na ol bai i sem.
Na ol man i amamas long mi karim ol hevi,Yu mas rausim ol i go na ol bai i sem.
15 Ol man i tok bilas long mi olsem: “I stret dispela samting i kamap long yu!”
Yu mas semim ol na ol bai kirap nogut long pasin bilong ol.
16 Tasol ol man i save go long yu+Ol i ken belgut na amamas long yu.+
Ol man i save laikim pasin bilong yu long kisim bek ol, oltaim ol i ken tok olsem:
“Jehova i ken kisim biknem.”+
17 Mi stap rabis na i no gat wanpela bilong helpim mi;Olsem na Jehova, yu ken tingim mi.
Yu man bilong helpim mi na yu save kisim bek mi;+God bilong mi, yu no ken wet, yu mas kam kwik.+
Ol Futnot
^ O, “stap isi na wet.”
^ O, “lindaun na putim yau long.”
^ Hib., “long skrol bilong buk.”
^ O, “laik tru.”
