Buk Song 43:1-5
43 God, yu mas skelim mi,+
Na helpim mi long winim kot+ em ol lain manmeri i no stap gut long yu i mekim long mi.
Na yu mas kisim bek mi long han bilong ol man i save mekim pasin giaman na ol man i save bihainim pasin i no stret.
2 Yu tasol yu God bilong mi, na ples hait bilong mi.+
Wai na yu rausim mi i go?
Na wai na ol birua bilong mi i mekim nogut long mi na mi stap wantaim bel hevi?+
3 Yu mas salim tok tru na lait bilong yu i kam.+
Na ol bai soim rot long mi;+Ol i ken stiaim mi i go long maunten holi bilong yu na i go long haus bilong yu i nambawan tru.+
4 Na mi bai i go long alta bilong God,+Mi bai amamas moa yet long God.
Na mi bai pilaim harp*+ na singsing na litimapim nem bilong God bilong mi.
5 Wai na mi pilim bel hevi oltaim?
Wai na bel bilong mi i no stap isi?
Mi mas wet long God.+
Em i Nambawan Seivia na God bilong mi, olsem na mi bai wok yet long preisim em.+
