Buk Song 51:1-19
Devit i bin slip wantaim Batseba,+ na profet Natan i kam lukim em. Bihain Devit i raitim dispela song. Tok i go long dairekta.
51 God, yu mas tingim gutpela pasin laikim*+ bilong yu na yu mas orait long mi.
Yu gat bikpela pasin marimari, olsem na yu mas rausim ol sin bilong mi.+
2 Wasim mi olgeta na bai sin i no i stap moa long mi,+Na rausim sin bilong mi na mekim mi i kamap klin.+
3 Mi save mi mekim rong pinis,Na mi no inap lusim tingting long sin bilong mi.+
4 Mi mekim sin long yu wanpela tasol;+Mi mekim pasin nogut long ai bilong yu.+
Olsem na yu mekim stretpela pasin taim yu givim tok long mi
Na i stret long yu kotim mi.+
5 Taim mama i karim mi, mi bon wantaim sin,Na taim mi stap yet long bel bilong mama, mi man bilong mekim sin.+
6 Tru tumas, yu save amamas long lukim pasin i tru i stap long bel bilong man;+Skulim bel bilong mi long savetingting.
7 Kisim hisop na rausim sin bilong mi, na bai mi kamap klin;+Wasim mi na bai mi kamap klin olgeta winim sno i waitpela tru.+
8 Larim mi harim ol man i amamas na singsing,Na bai mi ken amamas, maski yu krungutim ol bun bilong mi.+
9 Yu no ken lukluk* long sin bilong mi,+Na mi laik bai yu rausim olgeta rong bilong mi.+
10 O God, yu ken wokim nupela klinpela bel insait long mi.+
Na putim nupela tingting insait long mi+ na bai mi ken sanap strong.
11 No ken rausim mi i go longwe long yu;Na yu no ken rausim holi spirit bilong yu long mi.
12 Bipo mi amamas long yu kisim bek mi, na nau mi laik bai yu givim mi dispela amamas gen.+
Na yu mas kirapim laik bilong mi long bihainim tok bilong yu.
13 Mi bai skulim ol manmeri i save brukim lo long pasin bilong yu,+Na bai ol sinman i kam bek long yu.
14 O God, yu God bilong kisim bek mi,+ yu mas seivim mi na bai mi no gat asua long kapsaitim blut,+Na bai mi amamas long tokaut long stretpela pasin bilong yu.+
15 O Jehova, larim mi toktok,Na bai maus bilong mi bai litimapim nem bilong yu.+
16 Yu no laikim sakrifais, sapos yu bin laikim, mi bai mekim pinis sakrifais long yu;+Na maski mi mekim ofa bilong paia i kukim olgeta long yu, yu bai i no amamas long en.+
17 Man em bel bilong em i hevi tru long sin bilong em, dispela i olsem sakrifais em i mekim long God na God i amamas long dispela;O God, yu no inap givim baksait long man em bel bilong em i bagarap na em i pilim nogut tru.+
18 Long laik bilong yu yet, yu ken mekim gut long Saion;Yu ken sanapim gen banis bilong Jerusalem.
19 Na yu bai amamas long ol sakrifais bilong stretpela pasin,Em ol sakrifais bilong paia i kukim olgeta na ol ofa em ol i ofaim olgeta;Orait ol bai ofaim ol bulmakau man long alta bilong yu.+
