Song Bilong Solomon 2:1-17
2 “Mi olsem wanpela plaua safron* bilong Saron,*Na olsem wanpela plaua lili i stap long ol veli.”+
2 “Pren bilong mi em mi laikim tumas i stap namel long ol yangpela meriOlsem wanpela plaua lili i stap namel long ol gras i gat nil.”
3 “Gutpela pren bilong mi tu i stap namel long ol yangpela manOlsem wanpela diwai apol i stap namel long ol diwai bilong bikbus.
Na mi laikim tumas long sindaun aninit long diwai bilong en,Na prut bilong en i swit tru long maus bilong mi.
4 Em i kisim mi i go insait long bikpela haus kaikai,*Na olgeta inap lukim olsem em i laikim mi tasol.
5 Givim mi ol greip keik*+ na ol apolBilong mekim gut bel bilong mi na bai mi kisim nupela strong,Bikos mi laikim tru wanpela na bun bilong mi i slek tru.
6 Left han bilong em i stap aninit long het bilong mi,Na rait han bilong em i holimpasim mi.+
7 Yupela ol pikinini meri bilong Jerusalem, mi bai mekim yupela i tok tru antapLong ol gasel*+ na ol dia meri bilong bus:
Yupela i no ken kirapim laik i stap long bel bilong mi i go inap long bel yet i gat dispela laik.+
8 Mi ken harim nek bilong gutpela pren bilong mi!
Lukim! Em i kam nau,Em i go antap long ol maunten na em i kalap kalap i kam long ol liklik maunten.
9 Gutpela pren bilong mi i olsem wanpela gasel, na olsem wanpela yangpela dia man.+
Em i kam pinis na i sanap i stap baksait long wol bilong mipela,Na em i lukluk i kam insait long windo,Namel long ol hul bilong blain.
10 Gutpela pren bilong mi i toktok, em i tokim mi olsem:
‘Mi laikim yu tumas, yu kirap,Yu naispela tru, yu kam wantaim mi.
11 Lukim! Taim bilong ren i pinis.
Na ren i no pundaun moa.
12 Ol plaua i kamap long olgeta hap,+Na taim bilong katim ol brens i kamap pinis,+Na long olgeta hap, ol man i ken harim krai bilong pisin balus.+
13 Ol fes pikinini fik i kamap long diwai fik i mau pinis;+Ol rop wain i putim plaua na ol i gat gutpela smel.
Mi laikim yu tumas, yu kirap na kam.
Yu naispela tru, yu kam wantaim mi.
14 O pisin balus bilong mi, lusim haus bilong yu insait long traipela ston na kam ausait,+Kam ausait long ol ples hait bilong yu i stap long klif,Na bai mi ken lukim yu na harim nek bilong yu,+Bikos nek bilong yu i gutpela tumas na yu luk nais tru.’”+
15 “Go na holimpas ol foks,*Bikos ol rop wain i putim pinis ol plaua,Ol dispela foks i save kam bagarapim ol gaden wain.”
16 “Gutpela pren bilong mi, em i bilong mi, na mi bilong em tasol.+
Em i was long ol sipsip+ namel long ol plaua lili.+
17 I go inap long taim win i blo isi i kam* na ol sedo i no stap moa,Yu mas kam bek hariap, O gutpela pren bilong mi,Yu mas ron olsem wanpela gasel+ na olsem wanpela yangpela dia man+ na kam bek namel long ol dispela maunten i pasim yumi.*
Ol Futnot
^ O, “plaua krokus.”
^ O, “bilong ples stret bilong nambis.”
^ Hib., “haus bilong wain.”
^ Dispela i makim ol greip em ol i bin draim na presim wantaim na i luk olsem keik.
^ Em wanpela animal i kain olsem dok.
^ Hib., “de i pulim win.”
^ O ating, “hul bilong ol maunten.” O, “ol maunten bilong Beta.”
