HAP 4
Ol i Harim Tok Bilong Satan—Wanem Samting i Kamap?
Adam na Iv i sakim tok bilong God, olsem na ol i dai. Stat 3:6, 23
Iv i harim tok bilong snek na kaikai hap bilong prut. Bihain, em i givim sampela long Adam, na em i kaikai.
Pasin ol i mekim i no stret—ol i mekim sin. God i rausim ol long Paradais.
Laip bilong ol na bilong ol pikinini bilong ol i hatwok. Ol i kamap lapun na ol i dai. Ol i no kamap spirit na i go stap long wanpela hap, nogat, ol i pinis olgeta.
Ol man i dai pinis ol i tanim i kamap graun, ol i no gat laip moa. Stat 3:18, 19
Yumi olgeta i save dai, bikos yumi tumbuna pikinini bilong Adam na Iv. Ol man i dai pinis ol i no inap lukim, harim, o mekim wanpela samting.—Saveman 9:4, 5, 10.
Taim Jehova i wokim ol man, em i no wokim ol bilong i dai. Klostu nau em bai kirapim bek ol man i dai pinis. Sapos ol i harim tok bilong em, ol bai stap laip oltaim.
Ating Yu Bai Laikim Tu
OL BIKPELA TOK BILONG BAIBEL
Ol Man i Dai Pinis i Stap Olsem Wanem?
Baibel i tok promis olsem wanpela taim bai kamap na planti man bai kirap bek, wankain olsem Lasarus.
OL BIKPELA TOK BILONG BAIBEL
Bilong Wanem God i Larim Pen na Hevi i Stap?
Baibel i kamapim ol gutpela bekim bilong mekim isi bel bilong yumi.
