Bihain long Bikpela Tait, ol pikinini bilong Noa na ol meri bilong ol i kamapim planti pikinini. Famili bilong ol i kamap planti, na ol i go sindaun long ol narapela narapela hap bilong graun, olsem Jehova i bin tokim ol.

Tasol sampela famili i sakim tok bilong Jehova. Ol i tok: ‘Yumi wokim wanpela taun na stap long hia. Bai yumi wokim wanpela taua i go antap tru long skai. Bihain bai yumi gat biknem.’

 Jehova i no amamas long samting ol dispela man i mekim, so em i tingting long stopim ol. Yu save hau em i stopim ol? Em i mekim na wantu ol i kirap mekim narapela narapela tokples. Ol i no inap klia long tokples bilong narapela narapela, olsem na ol i stopim wok. Baibel i kolim dispela taun ol i bin wokim, em Babel, mining bilong en “Paulim.” Ol manmeri i kirap long muv na go sindaun long olgeta hap bilong graun. Na ol i mekim yet ol pasin nogut long ol nupela ples ol i go sindaun long en. Tasol yu ting i gat wanpela man i stap husat i laikim yet Jehova? Bai yumi painimaut long neks sapta.